Bail à ferme pour la durée de la vie de la bailleuresse par Gilon, veusve de feu Jehan Fouquet, à Mathery Le Maignen, son gendre, d'un creux de grange, un minot de terre, un jardin et une cour situés à Chamblay , pour sept sous six deniers tournois et deux minots d'avoine annuels dus à la saint Jean-Baptiste.
Gilon, veusve de feu Jehan Fouquet, demourant a Chamblé parroisse de Bercheres l’Evesque , baille a ferme et moison de grain des maintenant a tousioursmes a Mathery Le Maignen, son gendre, demourant audit lieu de Chamblé , preneur, present etc, pour luy etc, ung creux de granche entre deux fermes, avec ung minot de terre en ousche et une rive de jardin et court en ung tenant, sicomme tout se presente et comporte, assis audit lieu de Chamblé , juxte les hoirs feu Gregoire Le Roy d’une part, et Jehan Plesseys le Jeune d’autre part, pour en joyr et user par ledit preneur etc durant le cours de la vie de ladite veusve seullement. Bail et prinse faiz pour dix sept solz six deniers tournois de fe et deux minotz d’avoyne de ferme etc, a payer au terme par chacun an au terme sainct Jehan Baptiste, premier payement de la sainct Jehan Baptiste prouchaine venant en ung an, et ainsy etc. Promectant et garantissant, obligeant, renoncant etc. Presens a ce pour tesmoings Guillaume Fouquet, filz de ladite veusve, demourant audit lieu de Chamblé , et Michel Poussemote, demourant a Chartres .