Donation par Michau Pintard à Marion, épouse de Jehan Hauchart, d'une mine de terre en une pièce au terroir des Foussez.
Michau Pintard, demourant a Bonville au Temple 
, parroisse de Gelainville , donne, cede etc des maintenant a tousioursmes a Marion, femme dudit Jehan Hauchart, demourant audit lieu de Bonville , absente, en la personne et presence de sondit mary et acceptant, pour elle, ses hoirs etc, une mine de terre en une piece assise au terrouer des Foussez, juxte la veusve feu Anthoine Durant d’une part, et ledit donateur d’autre part, abutant d’un bout au chemin tendant de Chartres a Gonnay le Geron, et d’autre bout aux hoirs feu Perrin Pintart, a telz cens et devoirs de fief comme etc, et envers qui ce peult estre deu. Heritaige audit donateur. Cestz don, cession et transport faiz au traicté du mariaige faisant d'entre lesdits Hauchart et Marion, sa femme, en avancement de succession a elle et a ses hoirs, et pour la bonne amour et affinité naturelle que ledit donateur avoit et a a icelle Marion. Promectant non venir contre, obligeant, renoncant etc. Presens a ce pour tesmoings Jehan Baudry, demourant a Reclainville en Beausse , et Jehan Brebier, demourant a Chartres .
