Vente par Éléonor Breton, veuve de Claude Burgensis, à Jehan Dutertre, d'une maison à Blois .



[Le 03.10.1577 :] [...] damoiselle Eleonor Breton, veufve de feu noble homme maitre Claude Burgensis vyvant conseiller du roy et secretaire de ses finances, dame de Villesavyn et l'une des dames d'honneur de la royne de Navarre demeurante en la ville de Bloys estant de present en ceste ville de Tours soubzmectant etc. laquelle a congneu et confessé avoir vendu, ceddé, quicté, délaissé et transporté [...] par heritaige a noble homme maitre Jehan du Tertre, tresorier des gardes du roy, a ce present et achaptant agré pour luy et damoiselle Catherine Mandat sa femme leurs hoirs etc. c'est assavoir une maison ... situé en ladite ville de Bloys consistant en caves six chambres garnyes de garderobbes et cabinetz deux cours escuyries greniers et comble dessus [...] joignant d'une part a la maison de maittre Seruyn Godin, d'aultre a la maison du bailly Redart et d'aultre a la rue des Esleuz estant icelle maison ou fief des religieulx de Saint-Lomer et chargé envers lesdits sieurs de fief de deux solz six deniers tournois de cens... [1v°] pour le pris et somme de douze cens livres tournois [...] [payée à la venderesse] [...] O grace retenue [...] dehs d'huy en troys ans ung an prochain venant... faict a Tours es presences de honorable homme maitre Jehan Dutertre l'esné, greffier de [...] pere dudit achapteur Alexandre Gargo [...] et Pierre Janary clerc [...].
[Signé :] [...] - Leonor Breton - [...] - Dutertre - Digoys - A. Gargon...

[13.04.15[81]] (endommagé) Et le treziesme jour d'avril M Vc quatre vingts et u[ng[...]] [2r°] [...] ledit maitre Jehan Dutertre acquereur cy dessus nommé [confesse] avoir receu [...] de ladite damoiselle Eleonor Lebrethon venderesse aussy y nommee la somme de quatre cens escuz pour son remboursement de pareille somme pour le rachapt [...] de la maison apartenances et deppendances mentionnees au contract cy dessus [...] a esté payé par les mains de maitre Jullian Boullay advocat au siege presidial de Tours et procureur de ladite damoiselle [...] et par ce faisant demoure ledit contract de vendaison cy dessus nul et resolu et comme non faict et advenu et comme tel a esté la grosse en parchemyn d'icelluy presentement rendue a Francoys Dubrueil, sieur du Clouzeau a ce present pour ladite damoiselle sur le doz duquel est l'acte de la resolution dudit contract [...] faict audit Tours en la maison de moy notaire a l'heure de deux heures apres midy es presences de honnorable personne Jehan Beaugendre marchant maitre ouvrier en draps de soyes demeurant en la paroisse Saint-Satournyn, Jehan Aumont et René Ganay clercs dud. Tours tesmoins.
[Signé :] Dutertre - Digoys - Dubrueil - [Aumont] pour present - J. Beaugendre - Ganay pour present.





text encoding initiativePowered by XTF
Centre d'Études Supérieures de la Renaissance
Cette œuvre est mise à disposition selon les termes de la Licence
Si vous utilisez ce document dans un cadre de recherche, merci de citer cette URL :
http://renumar.univ-tours.fr/xtf/view?docId=tei/TIPO639387.xml&doc.view=print;chunk.id=n1
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0).
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0)