Extraits des comptes municipaux de la ville d'Amboise qui détaillent les dépenses enregistrée par Julien Pelletier pour le mois d'avril 1551, durant le séjour d'Henri II à Amboise .



[f° 34] Autre mises faictes par ledict Pelletier ou moys d’avril dernier mil cinq cens cinquente et ung que le roy estoit pres de ceste ville d’Amboyse et proche de y faire son entree, et depuys qu’il a eu faict son entree en ladicte ville.

A ung homme qui est allé querir Jehan Bacynet de ceste ville d’Amboyse en la ville de Loches , pour deux journees a esté payé douze solz tournoys. Pource XII s.
Alloué habito juramento dudit Pelletier.

[f° 34 v°] A Jacques Denerot, cordier, pour cinq solz tournoys pour deux livres de corde bailles audict Bacinet. Pource V s. tournoys
Idem. Alloué.

A deux hommes qui ont porté six planches de la tannerie de André Aulbin sur le pont Sainct Denys pour acoustrer ledict pont, a chacun douze denyers. Pource II s.
Idem.

Au filz de Bacinet, pour estre allé a Loches querir des masques, a esté payé six solz tournoys. Pource, cy VI s. tournoys
Idem.

[f° 35] Aux personnes qui ont tendu le jour de l’entree la tapisserie aux portaulx et a l’orloge, cinq solz tournoys a deux diverses foys pour avoir du pain et du vin. Pource V s. tournoys
Idem.

Pour le soupper desdictes personnes qui ont tendu ledict jour de l’entree, quinze solz tournoys par le commandement de monseigneur le lieutenant. Pource XV s. tournoys
Idem.

A Pierre Rambault, canonnier, dix solz tournoys [f° 35 v°] pour deux journees qu’il a vacqué a l’artillerie par le comandement de monseigneur le lieutenant. Pource X s.
Idem.

A deux hommes qui ont porté six planches de l’hostel de André Aulbin jusques sur le pont de la porte Tritri et a ung charpentier qui a mis lesdictes planches, trois solz tournoys six deniers tournoys. Pource III s. VI d. tournoys
Idem.

Pour trois torches pour esclairer a apporter les effigies qui avoient esté [f° 36] faictes a Sainct Thomas pour mectre sur les eschafaulx, et pour les serrer et mettre en la chappelle neufve, a raison de quatre solz tournoys chaque torche. Pource XII s.
Idem.

A ung batellier qui a remmené les faulconneaulx a Villetissart, quatre solz six deniers tournoys de marché faict par Francoys Goussart. Pource IIII s. VI d.
Idem.

A quatre hommes qui ont porté lesdictes effigies de l’eglise de la chappelle neufve ou ilz avoient esté mises en [f° 36 v°] l’hostel de ville, cinq solz tournoys. Pource V s. tournoys
Idem.

A Pierre Cormyer, masson, et Jehan Pyneau, menusier, la somme de vingt deux solz six deniers tournoys. Scavoir est audict Cornier, masson, quinze solz tournoys pour avoir faict la place, dressé et assiegé les ais pour mectre et asseoir lesdictes effigies, et recarrellay en plusieurs lieux dudict hostel de ville. Et audict Pyneau sept solz six deniers pour avoir [f° 37] rabillé les tables, bancs et scelles dudict hostel. Comme appert par leur quictance. Pource XXII s. VI d. tournoys
Est apparu de quictance et parce alloué.

Pour deux solz de clou a clouer lesdictz ais et scelles et ou il en avoit besoing. Pource II s. tournoys
Idem.

A René Fourneau, dix huict solz huict deniers tournoys pour une toise et ung tiers de gros ais de seaige pour asseoir lesdictes effigies au quatre coings de la maison de ville a raison de quatorze solz tournoys la toise. Pource XVIII s. VIII d.
[f° 37 v°] Au clerc de monseigneur le lieutenant general, dix solz tournoys pour avoir faict plusieurs requestes pour presentes au roy. Pource, cy X s. tournoys
Idem.

Au tabellion de ceste ville d’Amboyse , trois solz quatre deniers tournoys pour avoir grossoyé l’obligacion des obliges des picques. Pource, cy III s. IIII d. tournoys
Idem.

A quatre portefex qui ont chargé les trois ponts de la masse de peur que l’afluance d’eaue que l’on [f° 38] disoit venir en ladicte masse ne les emmenast ou endommageast, dix solz tournoys. Present le clerc de ville. Pource X s. tournoys
Idem.

A deux portefex pour avoir deschargé l’un desdictz ponts de la masse parce que le masson auquel appartenoit la pierre la voulloit avoir, vingt deniers tournoys. Pource XX d. tournoys

Somme sept livres huit solz deux denyers tournoys.





text encoding initiativePowered by XTF
Centre d'Études Supérieures de la Renaissance
Cette œuvre est mise à disposition selon les termes de la Licence
Si vous utilisez ce document dans un cadre de recherche, merci de citer cette URL :
http://renumar.univ-tours.fr/xtf/view?docId=tei/TIPO639559.xml&doc.view=print;chunk.id=n1
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0).
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0)