Délibérations des représentants de la communauté des habitants de Tours 
sous la direction du bailli de Touraine, dans laquelle les brigandiniers et armuriers convoqué devant le consil suite à l'annonce du décès de Charles VII promettent et jurent de servir la ville à condition que l'on conserve leurs droits.
[f° 338 v°]
Le vendredi XXIIIIe jour de juillet ensuivant, en l'ostel de ladicte ville, en la presence dudit Pierre Godeau, lieutenant, etc., maistre René Dreux, procureur, et Jehan De Argouges, advocat dessusdiz, se sont assemblez :
Les esleuz de ladicte ville et le commis pour les gens d'eglise de ladicte ville;
maistre André Dubeuf, chanoine de l'eglise Saint-Martin, et soy representant pour le chapictre de ladicte eglise;
Pierre Brete, maistre Jehan Bonnart et jehan Dupuiz, Julien Beauvarlet, Geuffroy Travers, Piret Castellain, et autres ;
Jaquemin Ariolde, Jehan Philippe, serviteur Balsarin de Trez, Douast Avignon Amerveilles(a), Macé Aignam, Jehan Belac, Jehan d'Esmes, Colin Gerbault, armeusier ;
Jacob Husson, Anthoine Rouyere, James Anthoine, commis Thomas de Partenay, Rogues, Jehan Jourdain, Anthoine Duval, celui qui demeure au Croissant, Gillet de Maciquort, brigandiniers.
Par lesquelz esleuz et autres dessusnommez a esté remonstré en ladicte assemblee ausdiz armeusiers et brigandiniers les estatuz et ordonnances faites cy devant par les gens de ladicte ville pour le bien, prouffit et garde des gens d'icelle ville et du chasteau, lesquelz armeusiers et brigandiniers, apres ce, ont dit et declaré que eulx, leurs gens et serviteurs sont tous a la ville et ont promis eulx emploier et leurs biens a la garde et defense d'icelle vile moyennant que on les soustiengne et garde en leurs droiz.
Notes :
a. ou peut être : Douast Ami, Geron Amerveilles.
