Délibérations des représentants de la communauté des habitants de Tours , en l'hotel de Jehan Briconnet, sous la direction du lieutenant du bailli de Touraine, suite à la proposition de donner à la ville des privilèges sur le modèle de ceux de La Rochelle , dans lesquelles il est décidé que les 500 écus que réclame le roi seront portés au chancelier du roi, mais que avant l'on ira devant le bailli pour obtenir de celui-ci une lettre afin que les privilèges soient expédiés et scellés avant la remise de la somme demandée par le roi.



[Fol, 350 r°]
Le lundi XXVe jour de janvier, l’an mil CCCC LXI, en l'ostel Jehan Briçonnet l'aisné, en la presence de honnorable homme Baudet Berthelot, lieutenant de monseigneur le bailli de Touraine, se sont assemblez :

Ledit Jehan Briçonnet, maistre Jehan Dupuiz et Jehan Gaudin, esleuz de ladicte ville;

Maistre Jehan De Argouges, Jehan Ruzé, maistre Jehan Bonnart, Pierre Laillier, Jehan Barbot, Macé Touschart, Pierre Quetier l'aisné, Jehan Galocheau, Pierre Le Masle, Michau Hardoin, Guillaume Beruer, Jehan Hotruau, Jehan Martin bouchier, Simon Groussier, Guillot Groussier, Pierre Le Maistre, Jamet Ahanne.

Pour adviser et deliberer se ont baillera et portera les cinq cens escuz dont a la derriere assemblee fut parlé, que le roy demande et vieult avoir pour accorder les privileges qu'il vieult donner a ladicte ville, lesquelz se on peut avoir et telz comme a ceulx de La Rochelle sera belle chose a icelle ville. Et aussi eslire sur ce gens de ladicte ville qui porteront lesdiz Vc escuz a Poictiers , ou la chancelerie et conseil du roy est de present.
Sur quoy a esté deliberé que qui poura avoir lesdiz privileges pour lesdiz Vc escuz, qu'on les baille et envoye on des deniers communs de ladicte ville, moyennant que on n'ait le droit du seel d'icellui privilege qui poura parmy ce faisant. Et que lesdiz esleuz aillent devers mondit seigneur le bailli, qui est en ceste dicte ville, qui lui en facent sur ce rescripre a mondit seigneur le chancelier et autres a qui ce apartiendra, et avant que bailler lesdiz Vc escuz qu'on ait le privilege expedié et scellé. Et pour y aler a ce faire et porter lesdiz Vc escuz et autres deniers qui conviendra mectre s'il est besoing et necessaire pour recouvrer et avoir ledit privilege, ont esté esleuz ledit Jehan Briçonnet, maistre François Bernard, Pierre Lailier ou Jehan Barbot, deux des quatre, aux despens desdiz deniers de ladicte ville, et auront par jour chacun (blanc).





text encoding initiativePowered by XTF
Centre d'Études Supérieures de la Renaissance
Cette œuvre est mise à disposition selon les termes de la Licence
Si vous utilisez ce document dans un cadre de recherche, merci de citer cette URL :
http://renumar.univ-tours.fr/xtf/view?docId=tei/TIPO639626.xml&doc.view=print;chunk.id=n1
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0).
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0)