Location par Foucques de La Salle, bourgeois et échevin de Tours , à Pierre Du Molin, avocat en parlement, conseiller et maître des requêtes de la reine mère, d'un corps de logis situé rue Traversaine, paroisse Saint-Saturnin.



[Transcription partielle] [Le 03.08.1593 :] [...] noble homme Foucques de La Salle, sieur de Bourchevreau, bourgeoys et eschevyn de ceste ville de Tours , lequel a baillé et delaissé par ces presentes a tiltre de louaige a noble homme Pierre Du Molin, advocat en parlement, conseiller et maitre des requetes de la deffuncte royne mere du roy, demourant audit Tours a ce present, a savoir le un corps de logis et appartenances d’icelluy tant hault que bas auquel demoure ledit sieur Dumolin et comme il en a jouy et jouyst audit tiltre scitué rue Traversaine, parroisse Saint-Saturnyn dudit Tours , sans rien en excepter duquel ledit sieur Dumoulin preneur s’est contanté pour en joyr audit tiltre pendant et durant le temps et espacce de cinq troys annees entieres consecutifves […] du jour et terme saint Jehan-Baptiste dernier passé pour et moyennant la somme de quatre vingtz escuz sol. de louage par an laquelle ledit sieur Dumoulin preneur promect et sera tenu payer audit sieur De La Salle par le quarterons ordinaires de l’an acoustumez […] et est convenue et accordé par expresentre lesdictes partyes que au cas que ledit sieur De La Salle vende sondit logis dans ledit temps ledit sieur Dumolin quictera et delaissera ledit bail pour le reste du temps estant preallablement [1v°] de ce adverty six moys davant le deslogement et aussi ou ledit sieur Dumolin achaptera logis dans ledit temps il pourra quicter cedit bail advertissant de ce ledit sieur De La Salle pareil temps de six mois davant […] faict et passé audit Tours en l’estude de nous notaire apres midy es presences de Macé Besnard et Besnard Fourneau, clercs audit Tours , tesmoins.
[Signé :] P. Aubert, F. De La Salle, P. Dumolin, B. Fourneau pour present, M. Besnard.





text encoding initiativePowered by XTF
Centre d'Études Supérieures de la Renaissance
Cette œuvre est mise à disposition selon les termes de la Licence
Si vous utilisez ce document dans un cadre de recherche, merci de citer cette URL :
http://renumar.univ-tours.fr/xtf/view?docId=tei/TIPO639646.xml&doc.view=print;chunk.id=n1
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0).
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0)