Quittance donnée par Victor Brodeau, sieur de La Chassetière et de Candé (Tours , paroisse Saint-Saturnin) à Michel de La Gauderye, marchand de Tours .



[Transcription partielle] [Le 11.03.1598 :] [...] noble homme Victor Brodeau, sieur de La Chassetierre et de Candé demeurant Tours , paroisse Saint-Saturnyn, reçoit de honorable Michel de La Gauderye, marchand de Tours , heritier de deffuncte Jacquette Aubry, veuve de deffunct Michel Barrilleau, detenteur de certains heritaiges qui soulloient apartenir a ladite veuve Barilleau, scituez en la parroisse de Fondettes , subjectz audit sieur de Candé, le nombre de 18 boisseaulx de bled froment deux de[...] moings delitte mesire du roy audit Tours [...] a cause de pareil nombre de bled de rente foncyere annuelle et perpetuelle deue chacun an audit sieur de Candé et rendable en sa maison audit Tours par les debiteurs [...] contenant cinq quartiers a troys quartiers ou environ une grange et bastiment scituez en ladite parroisse de Fondettes duquel nombre de dix huict boisseaulx de bled susdits ledit sieur de Candé s'est tenu contant et bien payé et en a quicté et quicte ledit De La Gauderye et par ces mesmes presentes ledit De La Gauderye pour dessus soubzmis a promis et s'est obligé payer et continuer tousjours par chacun an audit sieur de Candé ses hoirs et ledit nombre et quantitté de bled susdit audit jour saint Michel rendu comme dessus et en temps que s’y […] qu’il sera proprietaire detenteur et posesseur desdits heritaiges subjectz que ladite rente en tout ou partye d’iceulx a peult dont de son consantement l’autre juge et a le recours tout […] dudit De La Gauderye reservant contre les debtenteur et posesseur desdits heritaiges [1v°] qui doibvent audit ledit De La Gauderye ladite rente audit sieur de Candé # et sans prejudice audit sieur de Candé deu fraiz de justice qu'il a faictz contre les detenteurs de ladite rente et au teneur et s'est ledit De La Gauderye obligé et oblige avec tous et renoncant etc. et prandre etc. fid. etc. dont et a ce pouvoir contre iceulx en justice pour avoir payer chacun seul leur partye et pourtion aus. qu'il verra bon estre faict et passé audit Tours en l'hostel dudit sieur de Candé avant midy en presence de Jehan Pasquaulx, serviteur domesticque dudit sieur de Candé et Pierre Aubert, clerc, tesmoins.
[Signé :] De La Gauderye, Brodeau, Jehan Pacault, Coynard, P. Aubert present.





text encoding initiativePowered by XTF
Centre d'Études Supérieures de la Renaissance
Cette œuvre est mise à disposition selon les termes de la Licence
Si vous utilisez ce document dans un cadre de recherche, merci de citer cette URL :
http://renumar.univ-tours.fr/xtf/view?docId=tei/TIPO639651.xml&doc.view=print;chunk.id=n1
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0).
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0)