Procuration donnée par Marie Courtin, veuve de Victor Brodeau, écuyer, seigneur de La Chassetière et Candé (Tours 
, Saint-Saturnin) à maître Lepin, procureur au siège présidial de Poitiers .
procure, damoiselle Courtin
Le sixiesme jour d'apvril MVc IIIIxx dix neuf, en la court du roy notre sire a Tours , par devant nous Pierre Coynard, notaire du roy nostre sire et garde nottes hereditaire a Tours , soubzsigné fut presente en sa personne estably et deuement soubzmise damoiselle Marie Courtin, veufve de feu Victor Brodeau, vivant escuyer, sieur de La Chastiere et de Candé, demeurante en ceste ville de Tours , parroisse Saint-Saturnin, laquelle a faict et constitué son procureur maitre [blanc] Lepin [Pepin], procureur au siege presidial de Poictiers , pour plaider etc. opposer etc. appeller et eslire domicille suyvant l'ordonnance substituer autre procureur quant au faict de pledoirye seullement et par especial de comparoir pour ladite damoiselle constituante et sa personne representer pardevant messieurs dudit siege presidial de Poictiers et autres juges et commissaires qu'il apartiendra en l'instance y pendante entre maitre [blanc] Allexandre, recepveur, et ledit deffunt sieur de Candé et icelle faire reprinse pour ladite damoiselle dudit proces et instans en l'estat qu'il est et faire poursuitte d'icelle instance contre le dict Allexandre telles qu'il apartiendra et que besoing sera suyvant les deniers dore[...]nent? et icelle cause mener et conduire affin et generallement etc. promettant etc. obligeant etc. fiden. etc. dont etc. faict et passé audit Tours en la maison de ladite damoiselle constituante apres midy present Simon Lemoine, serviteur domesticque demeurant avec ladite damoiselle constituante [1v°] Henry Mahut et Pierre Meglat, clercz demeurant audit Tours , parroisse de Saint-Saturnin, tesmoins a ce requis et appellez.
[Signé :] P. Meglat, Marie Courtin.
