Jehan Charrnau, Pierre Lemarquin, Gervays Chevallyer et Pebristan Javayn ont comparu en la maison de Victor Brodeau, escuyer sieur de Candé, de La Chassetière et Romatière pour demander les raisons de la saisie de 12 arpents de terre et vigne.



[Transcription partielle :] Sieur de La Chassetiere Aujourd’huy sabmedy quatorziesme jour de juillet MVc quatre vingtz quatre, par devant et en presence de nous Pierre Aubert, notaire royal a Tours , soubzsigné honnestes personnes Jehan Charrnau, Pierre Lemarquin, Gervays Chevallyer, lesdits Charrnau vigneron et Lemarquin l[…] et ledit Chevalyer, tessyer, demeurans en la paroisse Notre-Dame-d’Oué et Pebristan Javayn, un don de paroisse Saint-Simphorian-des-Pontz es Tours , se sont comparuz en la maison de Victor Brodeau, escuyer sieur de Candé, de La Chastiere et Romatyere audit Tours et parlant auquel seigneur les dessusdits ont demandé les causes de la saisye, mise et apposee par desposition de Touschard, sergent royal, le septiesme des presens moys et an, sur douze arpents de terre et vigne estant assiz en l'ousche de l’estable joignant d'un long au chemyn tendant de Notre-Dame-d'Oué a Saint-Cire , d'autre long, a la vigne qui fut a feu René Billonneau et a la terre des hoyrs et biens tenans de Gervaise Javyn et d'autre aux terres de messire Charles Bonet, sieur de La Noue, que l'on dict apartenyr a Hardouyn Charruau et la veuve Jehan Billonneau saisy a la requete dudit sieur a quoy icelluy sieur leur a faict response que ce soyt par deffault de payement des arreages de deux annees droictz et debvoirs non payez qui sont huict bouesseaulx froment arreages de deux annees de quatre bouesseaux froment de rente seigneurialle et feodalle escheuz au jour saint Michel dernier passé sans prejudice d’autres droictz et debvoyrs seigneuriaux et feodaux en icelle rente et devoir seigneurial deub chacun an audit sieur a cause desdites seigneuries de La Chastiere et Romantyere audit ren[…] sur lesdites choses saysyes a ceste cause le dessusdit en rebl[…] p[…] tant pour d[…] que leurs coffres […] ont requis main levee leur estre faicte en en payement dudit debvoir et arreages susdits […] ont faits et dont ledit sieur s’est tenu a conta[...] partant [...] ledit sieur a faict et baillé main levee aux dessusdits en paiant par d[…] […] [1v°] [...] faict et passé audit Tours en la maison dudit sieur devant midy presens Francoys Goullet demeurant en ladite maison et Richard Houdebert, serviteur domestique du sieur de La Chassetyere et demourant audit Tours tesmoins.
[Signé :] Brodeau, F. Goullet, R. Houdebert, P. Aubert.





text encoding initiativePowered by XTF
Centre d'Études Supérieures de la Renaissance
Cette œuvre est mise à disposition selon les termes de la Licence
Si vous utilisez ce document dans un cadre de recherche, merci de citer cette URL :
http://renumar.univ-tours.fr/xtf/view?docId=tei/TIPO639806.xml&doc.view=print;chunk.id=n1
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0).
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0)