Jacques Macé, marchand et bourgeois de Tours 
, ayant charge des habitants de Tours faisant profession de la religion prétendue réformée, offre à Jean et Jean Naudet, frères, marchands menuisiers à Tours , la somme de 60 livres pour avoir allongé deux bancs et fait 4 pupitres au lieu de La Butte. Les Naudet refusent et réclament que leur travail soit estimé par des menuisiers ou par le sieur Masse, architecte.
Auhourd’huy quatriesme jour de juillet mil six cens trente huit apres midy en presence du notaire royal a Tours soubzsigné et des tesmoings cy apres, honorable homme Jacques Macé, marchand et bourgeois audit Tours y demeurant paroisse Saint Denis, lequel comme ayant charge des habitans de ceste ville de Tours faisant profession de la relligion pretendue refformee dudit Tours , sest adressé a la personne de Jehan Naudet le jeune, maistre menuizier audit Tours trouvé en nostre estude, auquel tant pour luy que pour Jehan Nodet son frere maistre dudit estat a offert […] en reaux despaigne et autre monnaye ayant cours la somme de soixante livres pour avoir nagueres par eux allongé deux bancs et fet quatre pepitres devant iceux au lieu de La Butte. L'a esdits noms interpellé prendre ladite somme, en donner quittance, protestant a faulte de ce faire […] il se fera cy apres aucuns frais et ny estre tenu et de tous despens dommages et interestz. Ledit Naudet a dict quil veut que la besogne par eux fete soit arbitree par des menuiziers ou par le sieur Masse architecte et un aultre, pour estre payé suivant leur estimation. Ledit Macé esdits noms a insisté en loffre cy dessus quil a dict estre plus que raisonnable. Et sur le refus dudit Naudet de prendre lesdites soixante livres, a reserré icelle somme dont il a requis acte que luy avons octroyé pour servir ce que de raison. Fet en nostre estude, presens le sieur Paul Chailleu, maistre ecrivain audit Tours et René Moreau praticien demeurant audit Tours , tesmoings. Ledit Naudet a declaré ne scavoir signer.
[ Signé] J. Macé, Chailleu, Hamart.
