Tours : 1570, 20 septembre

[Acte]

[Analyse]

Testament nuncupatif de Jacques Bienassis, abbé de l'abbaye de Bois-Aubry, chantre et chanoine de l’Église de Tours, passé devant maître Pierre Goussart, notaire royal à Tours, le 20 septembre 1570.

Date : 20 septembre 1570
Lieu : Tours
Testateur : Jacques Bienassis, abbé de Bois-Aubry, chantre et chanoine de l'église de Tours.
Testament : nuncupatif, pour cause de maladie
Patronages invoqués : Dieu, la Vierge Marie, le bon Ange, tous les saints, anges et archanges du Paradis.
Dispositions :
Lieu de la sépulture : église de Tours, au gré du Chapitre.
Funérailles :
luminaire : accoutumé pour un chanoine de Tours.
sonnerie : sans indication
cortège : les quatre couvents de mendiants de Tours, le couvent des minimes.
aumône : 10 s. par personne qui portera son corps en terre.
10 s. par porteur de torches
2 s. 6 d. par porteur de pots
50 l.t. en liards aux pauvres qui seront à son enterrement.
100 sols par couvent de mendiants et pour le couvent des minimes.
– anniversaire : cf. Fondation.
– demande de messes : 3 services accoutumés en l'église de Tours.
Fondation de messes : une grande messe de l'office des trépassés le jour de son décès en l'église de Tours ; faire sonner une des grosses cloches pendant la célébration de cette messe. (donne 500 l.t.)
Legs pieux : psalette de l'église de Tours : 50 l.t. pour faire réparer les « privoises et chambres aisees ».
abbaye de Bois-Aubry : 300 l.t. ; plus 20 l.t. par religieux.
« Pauvres en communauté » de Tours : 50 l.t.
10 pauvres filles à marier : 10 l.t. à chacune.
église paroissiale de Lyerres : 20 l.t.
église paroissiale de Luzay [i.e. Luzé, paroisse sur laquelle se trouvait l’abbaye de Bois-Aubry] : 30 l.t.
Héritiers :
héritiers particuliers :
Michel Gasnyer, serviteur : 100 l.t.
Clemance Fovereau, dite la Fillette : 100 l.t. (soit 10 ans de gages dus à raison de 10 l.t. par an) ; le testateur demande à ses exécuteurs de subvenir à ses besoins étant donné son âge.
Pierre, serviteur : 40 l.t., gages dus.
la Jollye, pauvre femme demeurant chez le testateur : 15 l.t.
Jherosme Coudelou, apothicaire : un biberon d'argent à lui rendre, ses salaires, 10 écus.
héritiers de feu Jehan Guillemet, de Trèves-en-Anjou : 85 l.t.
pauvres parents : 100 l.t.
François Delhommeau, étudiant demeurant chez le testateur : ses livres au choix
Jehan Musset, étudiant, neveu du testateur, demeurant chez lui : idem.
Jehan Chevrollier, chanoine de Tours : 100 l.t.
héritiers universels : non mentionnés, mais doivent se partager les meubles du testateur et non les vendre aux enchères.
Éxécuteurs testamentaires :
Nicole Riollan, chapelain du testateur (il lui donne 30 l.t.)
Jehan Musset, neveu du testateur (il lui donne 30 l.t.).
Témoins :
honorable homme Jehan Beauroy, maître potier d'étain.
honorable homme René Oranche, marchand cierger.
Signature du testateur : « A esté led. present testament signé de la main propre du testateur. »
Notaire : Avec la signature autographe de Pierre Goussart, notaire royal à Tours.

[Transcription]Au nom de Dieu, le Père, le Filz et le Sainct Esprit
Saichent tous que le vingtiesme jour de septembre l'an mil cinq cens soixante dix, par davant moy Pierre Goussart notaire en la court du Roy nostre sire a Tours, fut presant en sa personne, estably et deuement soubzmis noble et discret maitre Jacques Bienassis, abbe de l'abbaye de Boisaubry, chantre et chanoine de l'eglise de Tours. Lequel, sain d'entendement comme cy est apparu aud. notaire et aux tesmoings cy apres, jaczoit qu’il soit detenu de malladie, desirant faire son testament pendant que sens et entendement gouvernoit sa pensee, considerant l'incertitude de ceste vie, ne voullant mourir intestat, a faict et ordonné sond. testament et derniere volunte en presence de moy notaire susdict et desdicts tesmoings cy après comme s’ensuict.
Premierement, a recommandé son ame a Dieu, a la benoiste Vierge Marie et a tous les sainctz, anges et archanges de Paradis, nommement a son bon ange que Dieu lui a baillé pour sa conservation.
Item, apres que Dieu aura faict son commandement de luy, a esleu la sepulture de son corps en l'eglise de Tours, en tel lieu et endroict qu'il plaira a messieurs de chappitre de lad. eglise.
Item, a donné et donne de ses biens a la dicte eglise la somme de cinq cens livres.
Item, a donné et donne au proffict de la salette de ladicte eglise la somme de cinquante livres tournois pour faire abillier les privoises et chambres aisees et aultres lieux commodes pour tenir les petitz enfans d’icelle nettement.
Item, prie mesdicts sieurs de ladicte eglise, chacun an au jour de son obit, faire dire pour et a l'intention et redemption de son ame et de ses parents et amis trespassez, une grande messe de l'office des trespassez, genre qu'ilz aviseront bon estre, et pandant la celebration d’icelle ferons sonner une des grosses cloches.
Item, veult estre dict troys services en ladicte eglise et avoir pareil luminaire que ont acoustume avoir les chanoines de ladicte eglise a leur deces.
Item, a donné et donne a sa dicte abbaye de Boisaubry troys cens livres une fois paiez.
Item, a donné et donne a ceulx qui le porteront en terre a chacun dix solz.
Item, a ceulx qui porteront les potz, a chacun deux solz six deniers tournois.
Item, ordonne que les ordres des quatre mendians de ce ceste ville soient semonds et appelez pour assister processionnellement a son enterraige, ausquelz convent il donne a chacun cens solz et, s'il plaist aux Bonshommes [i.e. minimes] d'y venir, leur donne pareillement cent solz.
Item, il ordonne estre donné le jour de son obiit aux paouvres qui se trouveront aud. jour de son obiit la somme de cinquante livres en liards.
Item, aux paouvres de ceste ville en communaute, pareille somme de cinquante livres.
Item, a donné et donne a dix paouvres filles a marier, a chacune dix livres tz.
Item, ordonne estre baillé a Michel Gasnyer pour ses sallaires et agreables services la somme de cent livres tournois. Item, ordonne estre baillé a Clemance Fovereau, appellee la Fillette, qui l’a servy plus de dix ans a dix livres par an pour ses sallaires et agreables services quelles luy a faictz comme servante dhomestique par lesd. dix annees et plus, a la raison de ladicte somme de dix livres tournoiz par an ; et neanltmoings a enchargés et encharge a ses executeurs du present testament de luy prouvoir de vivres durant sa vye, actendu son aage.
Item, a ordonné que l'on ayt a bailler a son serviteur Pierre, oultre ses services, quarante livres.
Item, a ordonné estre baillé a une paouvre femme nommee la Jollye, a present demourant en la maison de luy testateur, la somme de quinze livres.
Item, ordonne que le biberon d’argent qui appartient a Jherosme Coudelou son appoticquaire luy soit rendu.
Item, ordonne ledict Jherosme Coudelou estre paié de ses parties tout au long, et oultre ses parties pour la grand peyne et travaulx qu’il aprins, luy estre baillé dix escuz.
Item., a ordonné que le medecin qui l'a pensé estre [sic pour soit] satisfaict.
Item, ordonne estre baillé aux heritiers de feu Jehan Guillemet de Tresves-en-Anjou, la somme de quatre vingt cinq livres.
Item, ordonne estre baillé a ses paouvres parents qui ne sont point ses serviteurs presumptifs la somme de cinquante livres tournois.
Item, ordonne toutes ses debtes estre paiees qui aperons justement deues.
Item, tous ceulx qui luy doibvent jusques a dix sols par une foiz paiez et audessoubz leur donne et remectz jusques aux dicts dix solz par une foiz paiez et audessoubz.
Item, donne a la paroisse de Lyerres la somme de vingt livres pour aider a la reparation dudict lieu.
Item, a donné et donne a la paroisse de Luzay la somme de trente livres tournois.
Item, ordonne que ses meubles ne soient poinct vendus a l'enquaire, mais soient partaigez entre ses heritiers.
Item, ordonne ses livres estres [sic] baillez a François Delhommeau et Jehan Musset, estans a presant en sa maison estudians, selon ce qu’ilz s’en pourront aider quant ilz seront en aage compectante.
Item, pour executer sondict presant testament; a nommé et esleu messires Nicolle Riollan son chapelain et Jehan Musset son nepveu, lesquelz il a des a present chargez et saisiz de tous ses biens, meubles et immeubles pour l'accomplissement entier dud. presant son testament, ausquelz et a chacun d'eulx il a donné et donne a chacun la somme de trente livres tournoiz et le reste des fraiz se prendra sur lesdicts meubles et immeubles.
Item, a donné et donne a maistre Jehan Chevrollier, chanoine en lad. eglise de Tours, pour beaucoup de peynes qu’il a prinses pour luy testateur la somme de cent livres tournois une foiz paiee.
Toutes lesquelles choses au presant testament contenues ont esté redigees par escript par moy notaire par le commandement dudict testateur et par icelluy testateur dictés et nommées et non subgerees. Et en meme instant a luy faict lecture de mot a autre, par deux foiz persistant en icelluy, disant que cestoit son intention qu’il sortist son effect et que cestoit ce quil voulloyt et entendoyt disposer par disposition de derniere volunté.
Faict et passé audict Tours, en la maison dudict testateur, presans honorables hommes Jehan Beauroy, maistre potier d'étain et René Oranche, marchant cierger, demourant audict Tours, appelez pour tesmoings. Et a esté ledict presant testament signé de la main propre dudict testateur.
Ainsy signé : Jacques Bienassis, Beauroy, Oranche et P. Goussart.
Et en mesme heure et instant, presans lesdictz tesmoings, ledict testateur a ordonné et ordonne estre bailléz a chacun des religieux dudict Boisaubry, a chacun la somme de vingt livres tz.
Faict comme dessus, ainsy signé Jacques Bienassis, Oranche, Beauroy et P. Goussart.
Signature autographe de Pierre Goussart.