Tours : 1583, 30 juin

[Acte]

[Analyse]

Bail à ferme d'une année sur les droits et revenus (grains, vollailles, terres, prés, bois, taillis, vignes, moulins, métairies, etc.) de plusieurs seigneuries dépendant de l'abbaye Saint-Julien de Tours et situées autour de Bléré, passé entre Archille de Bergede, demourant à Le Neufbourg en Normandie, comme procureur de Georges de Pericard, conseiller du roi et abbé de Saint-Julien de Tours, et Thibault Chereau, marchand de Bléré, pour la somme de 225 livres tournois. L'acte est suivi de la procuration donnée à Archille de Bergede par Georges de Pericard à Paris le 7 avril 1583. Ce dernier est alors logé rue de La Plastrière au logis de monsieur Do. Enfin, par la quittance du 9 juillet 1583, Archille de Bergede reçoit au nom de Georges de Pericard et de la part de Thibault Chereau 33 écus soleil 1 tiers comme amortissement de la somme de 766 écus soleil 2 tiers. Sont présents Adam de Longuemort, sieur de La Goguerie et valet des roi et reine de Navarre, et François Lelle, fermier général du temporel de l'abbaye Saint-Julien.

[Transcription][Transcription partielle :] Le dernier jour de juing l'an mil cinq cens quatre vingts et trois, en la court du roy nostre sire et de monseigneur a Tours, par devant Charles Bertrand, notaire royal en Icelle, furent presents en leurs personnes estably et deuement soubzmis au pouvoir et juridiction de ladite court noble homme Archille de Bergede, demourant sieur dudit lieu, demourant a Neufbourg, pais de Normendye, estant de present a Tours, au nom et comme procureur special de noble et scientifficque personne monsieur George de Pericard, conseiller du roy nostre sire en son parlement a Rouen, abbé commendataire de l'eglise et abbaye Sainct Jullien dudit Tours, comme apert par procuration specialle passee par devant Jehan le Roy et Jehan Marchant, notaires du roy au chastelet de Paris, estant en parchemyn et signee desdits notaires qui sera inserré en fin de ces presentes, d'une part, et honneste personne Thibault Chereau, marchant demourant en la ville de Bleré sur Cher, pairoisse de Saint Xpofeur dudit lieu, d'aultre part, lesquelles partyes, et audit nom, ont confessé avoyr faict le marché de bail et prise a ferme a pris d'argent, conventions, promesses et obligations comme s'ensuyt. C'est assavoyr que ledit de Bergede, audit nom, a baillé et delaissé audit tiltre audit Chereau, ce acceptant tout et ung chacun le droit et revenue [1v°] apartenant audit sieur abbé et estant audit lieu de Bleré et des pairoisses circonvoisines (...), le tout deppendant de sadite abaye Saint Jullien dudit Tours, et ainsy que ledit revenue se constiste, poursuipte et comporte tant en deniers que grains, vollailles, teres, prez, boys, taillyes, vignes, moullin, mestairyes et moullings a bled, estags et deunt de dixiesmes et terres, ensemble les proffictz de fiefs de ladite, desdites seigneuryes de Dubre, Cigogne et Gastaielle et sans aulcune chose dudit droict et revenue deppe esdits lieux audit sieur abbé, apartenant et deppendant de sadite abbaye de Saint Jullien de Tours. En reserver ne retenir (…). Et est le present bail et prinse a ferme [2r°] faict a la charge que ledit Chereau a promys et sera tenu payer en l'acquict dudit sieur abbé au fournier, tenant le four a bay audit Bleré, la somme deux cens vingt cinq livres t. que ledit Chereau a dict luy estre deue par chacun an, a cause du chauffage dudit four a bay ou autre plus grand somme si elle se trouve luy estre deue, et en acquicte ledit sieur abbé ensemble de payer et acquicter toutes et chacuns les charges qui ordinaires qui sont deues, et ont acoustume d'estre payees et acquictees par ledit sieur abbé,a cause desdits lieux a qu'il apartiendra tant a messires de sieur Gacien de Tours, curez de Bleré, Cigogne, de Bono, Dubre et Azay sur Cher que generallement toutes aultres charges qu'ilz acquises que aultres tant sans que ledit sieur abbé y soyt aultrement teneur. Le present bail faict et accordé pour et durant toute la presente, le temps d'un d'une annee entiere qui a commancé au jour et terme de nativité Sainct Jehan Baptiste derniere passé [2v°] et qui finira a pareil jour et terme icelle finye revollue et annee partye, et ne a la charge que pour et moyennant que ledit Chereau a promys entre et sera denu bailler, payer et fournir pour ladite presente terme pour ladite d'un an ladite annee audit sieur abbé ou aultre pour luy la somme de sept cens soixante six escuz sol. et deux tiers, payable et rendue en ceste ville de Tours en la maison abbatial de la la ville de Paris, au logis de monsieur Hubert le Jeune, procureur en parlement, rue de Quinquempoix, aux termes de Nouel et Saint Jehan Baptiste prochain venant par moictyé, avec tous coustz, fraiz et r[...] (…). Faict et passé audit Tours, en la maison abbatial de ladite abbaye Saint Jullien, environs onze heures devant midy dudit jour, es presence de noble homme Adam de Longuemort, sieur de La Goguerye, demourant audit Tours, et Loys Bernan, serviteur domesticque dudit sieur de La Goguerye, tesmoings. (…) que approuvent etc. Et a declaré ledit Chereau present ne scavoir signer et semble ledit Bernan sur ce enquis.
[Signé] Debergede, De Longuemort pour present, Bertrand.