1462, 08 mai — Tours

Le VIII^e jour de may mil IIII^c LXII, establyssant Jehan Tuyer chaussetier d’une part et Jehan Thonien et Pierre Thonien son filz aagé de XV ans ou environ, promectant que par non aagé il ne veudra contre la teneur de ces presentes d’autre part. Soubzmectans etc. Lesquelz ont fait les marchez [...] et convenances qui s’ensuivent. C’est assavoir que ledit Jehan Thonien a baillé audit Jehan Tuyer ledit Pierre Thonien son filz lequel Pierre a le congé et licence de sondit pere a promis et promet d’estre et demourer avecques ledit Jehan Tuyer du jour de la saint Jehan la prochaine venant jusques a troys ans après ensuivant, et le servir audit mestier et autres choses licites et honnestes son prouffit gardez et son domaige esthimer le mieux qu’il saura, par my ce que ledit Tuyer sera tenu et a promis de lui aprandre ledit mestier de chausseteue au mieulx qu’il pourra si audit Pierre ne tient et le fournir de boire, manger, feu, lit, tant seulement sauf que ledit Jehan Thonien Thuyer le fournira de soliers et de la façon de ses chausses # Et tous domaiges, amandes et obligacion lesdits parties et etc. et mesmement ledit Pierre Thonien son corps a tenir [...]. [...] etc., Renoncant etc. Presens.
# Pour lequel aprantissaige ledit Jehan Thonien sera tenu et a promis de paier audit Jehan Tuyer la somme de dix escus d’or et doze septiers de blé de froment # mesure de Tours renduz en l’hostel dudit Tuyer au terme de Toussains⁽¹⁾ paiables c’est assavoir par chacun an quatre septiers de froment et troys escus d’or et à la [verso] fin de tierce [...] quatre écus. Obligeant etc. Renoncant etc. Presens Jehan Ferron et Guillaume Pioger, tesmoins etc. etc. Et avecques ledit Jehan Thonien plege, son filz de loyauté etc. ⁽²⁾.

[S.] Desurloyre.

(1) Dans ll'interligne et la marge gauche. (2) Texte rédigé à la suite de l'acte et