Accord et compte final entre Jehan Sassin, libraire à Tours 
, et Jehan Piat, libraire à Paris , ayant procuration d'Antoine Vezart, libraire à Paris (procuration au Châtelet de Paris le 20 novembre 1509), de tous les livres reliés et à relier, tant en parchemin qu'en papier, tant en latin qu'en français, ensemble les gaiges que le dit Sassin devait avoir par la vente des dits livres selon l’inventaire signé du notaire soussigné, par lequel compte ledit Vezart demeure quitte envers le dit Sassin de tous les gaiges et reliures qui lui pourraient être dues. Le dit Sassin reste tenu envers le dit Vezart de 37 coutumiers de Touraine et de 4 livres tournois, qu'il paiera à sa requête. Témoins : Robert Fouchet, marchand à Orléans, Guillaume Girard et Jehan Ayrolde.
[fol. 22] Le XXIe jour de décembre l'an mil cinq cens et neuf, en la court du roy nostre sire à Tours , etc., personnellement estably Jehan Sasin, libraire demourant audit Tours , d'une part, et Jehan Piat, aussi libraire demourant a Paris , ou nom et comme procureur de sire Anthoine Vezart, aussi libraire demourant audit Paris ainsi qu'il nous est apparu par lectres de procuracion passees en la court de Chastelet a Paris le mardi XXe jour de novembre mil cinq cens et neuf par D. Contesse et N. Delanoue, d'autre part. Soubzmectant, etc. Lesquelz ont congneu et confessé en ladite court avoir fait et font entreulx les compte final et obligacion qui s'ensuivent. C'est assavoir que ledit Piat, oudit nom de procureur a tenu et tient fait compte audit Sassin oudit n de tous et chacuns les livres relies et a relier, tant en parchemin que en papier, et latin que francoys, ensemble des gaiges que ledit Sasin devoit avoir pour la vente desdits livres selon que en ensuivant certain inventaire signé P. Voteur soubzscript. Par lequel compte ledit Vezart demeure quicte envers ledit Sasin de tous lesdits gages et relieuses qui luy povoient estre deues et qu'il avoit fait pour luy audit Tours . Et pareillement, ledit Sasin [fol. 22, v°] demeure quicte envers ledit Vezart desdits livres contenuz oudit inventaire et des sommes de deniers et des cedulles qu'il en povoit devoir a cause de la vente d'iceulx estant en icelluy [inventaire], sauf de la cedulle de marquery sur laquelle ledit Sasin a receu la somme de XXV s.t.. Laquelle cedulle lesdit Sasin promect rendre ou lui en tenir d compte de reste. et moyennant icelluy compte ledit Sasin demeure lié envers ledit Anthoine Vezart de la somme de quatre ivres t. et en trente sept coustumiers blancs a l'usage de Touraine . Lesquel Lesquelz livres et somme ledit Sasin a promis paier audit Vezart a sa volunté et requeste, etc. En tous coustz, etc. Et a ce tenir, etc. Obligeant lesdites parties l'un a l'autre. Renoncant, etc. Foy, etc. Presens Robert Foucher, marchant deourant a Orleans, Guillaume Girard et Jehan Ayrolde, tesmoings.
[Signé] Foussedouaire
[Dans la marge du fol. 22] Baillé coppie eudit Sasin et audit Pyat.
[Dans la marge intérieure du fol. 22, v°] Jehan Sasin, libraire.
