Vente par Raffin Sterpin, conseiller du roi et contrôleur général de taillon (Saint-Saturnin, Tours 
), à Marie Brodeau, veuve de Galiot Mandat, notaire et secrétaire du roi et de ses finances, représentant son défunt mari, de la métairie de Beauregard.
[Transcription partielle] Le 02.04.1578 : ... noble homme maitre Raffin Sterpin, sieur de Beauregard, conseiller du roy et contreolleur general de taillon estably audit Tours et y demeurant paroisse Saint-Saturnyn ... a congneu et confessé avoir vendu, ceddé, quicté, delaissé et transporté .... par heritaiges a noble homme maitre Galiot Mandat, notaire et secretaire du roy et de ses finances absent damoiselle Marie Brodeau, veufve de feu noble homme maitre Galiot Mandat, dame de La Jouchere et procuratrice a ce presente stepellante et acceptante pour luy ses hoirs etc., c'est assavoir ledit lieu et mestairye de Beauregard ses apartenances et deppendances situé en la paroisse de Villedosmer consistant en maisons, grange, tetz a bestes, terres labourables, prez, boys, taillys et vignes le tout contenant soixante arpens de terre ou environs ... advenu audit vendeur a cause de la succession de ses feuz pere et mere par les partaiges et divisions faictz envers luy et ses coher[itier]z desdits successions .... et chargé envers lesdits sieurs de fief de [1v°] d'ung boisseault et ung quart de bled et huict solz six deniers tournois de cens rente et debvoir seigneurial par chacun an..... en lequel lieu et mestairye ledit vendeur a certyfié estre de revenu annuel de la somme de trente troys escuz et ung tiers d'escu sol et a promis et promet le faire valloir par chacun an ladite somme ..... ladite vendaison qui a esté et est faicte pour le pris et somme de quatre cens escuz sol laquelle somme ladite damoiselle Brodeau oudit nom a payee, baillee et nombree manuellement contant en presence dudit notaire et tesmoins audit vendeur en espece d'escu sol des deniers dudit Mandat son filz comme elle a recongneu et confessé ... ledit vendeur ... en a quicté et quicte ledit Mandat acquereur ses hoirs et ladite damoiselle Brodeau sa mere O grace [2r°] retenu par ledit vendeur et a luy donnee et octroyee par ladite damoiselle Marie Brodeau oudit nom telle que et toutesfoy et quantes que dehs d'huy en quatre ans prochains venans ledit vendeur payera et remboursera audit Mandat acquereur ou à lad. dam.le Brodeau oudit nom ladite somme de quatre cens escuz soleil avecques les loyaulx coustz fraiz et mises pour ce faictz et des arreraiges de la ferme ou fruictz desdites choses au prorata du temps ... en ce cas demourera la presente vendaison nulle et resolue... et par ces mesmes presentes a ladite damoiselle Brodeau oudit nom et comme soy faisant et portant fort dudit Mandat, son filz, baillé et baille a tiltre de ferme audit Sterpin vendeur present stepellant et acceptant ledit lieu et mestairye de Beauregard ses apartenances et deppendances selon qu'il est cy dessus designé pour en jouyr audit tiltre pendant et durant ledit temps de quatre ans et en faire et payer de ferme par chacuns d'iceulx par ledit Sterpin audit Mandat ou à lad. dam.le Brodeau sa mere la somme de trente troys escuz et ung tiers d'escu payable par les demyes années aux deuxiesmes jours des moys de octobre et avril par moictyé et esgalle portion ... [2v°] ... faict audit Tours ès presences de nobles hommes maitres Jullian Odin, sieur des Grands-Maisons, conseiller de mondit seigneur et maitre de ses comptes audit Tours , Paoul de Renguy, recepveur des aydes et tailles en l'eslection d'Amboise et Michel Lejay, serviteur de ladite damoiselle tesmoins.
[Signé] Odin - Marie Brodeau - De Renguy - Sterpin - Lejay - Digoys.
