Sommation de René Perdriau, marchand de Tours 
, au nom d'Adam de Longuemort, sieur de La Goguerie, à Marie Cailleau, veuve de Léon Tardif, sieur de La Gogouyere (Saint-Saturnin, Tours ).
Aujourd'huy vingtiesme jour de juing l'an mil Vc IIIIxx neuf, en la presence de moy notaire royal a Tours , soubzmis et des tesmoigns cy apres nommez honorable homme René Perdriau, marchand audit Tours pour et au nom de noble homme Adam de Longuemort, sieur de La Goguerye, demeurant audit Tours , s'est presenté par devans honorable femme Marye Cailleau, veufve de feu Leon Tardif, vivant sieur de La Gogouyere demourante audit Tours , paroisse Saint-Saturnin, a laquelle parlant a sa personne lesdits Perdriau audit nom suyvant la clause expresse portee par le bail a louage a elle cy devant fet par ledit sieur de La Goguerye par devant ledit notaire de la maison en laquelle ladicte dame Cailleau fet a present sa demeure situé audit Tours , rue Traversene l’a sommé requis et interpellé de desloger et vendre de ladite maison et ce ledit deslogement du jour et feste de saint Jehan-Baptiste prochain venant a pareil jour ung apres ensuyvant a ce que ladite dame Cailleau n’en pretend cause d’ignorance a peine de tous despens dommages et interestz etc. ladite dame Cailleau a fet response qu'elle accepte la presente sommation suyvant et au desa dudit bail et audit Perdriau audit nom ce requierans avons octroyé acte pour luy servyr ce que de raison faict en ladite maison apres midy, present Pierre Touzelin, clerc et Jehan Tatin, serviteur du sieur de Nazelles tesmoins a ce requis.
[Signé] Marie Cailleau, Perdriau, Bertrand, Touzelin pour present.
