Bail de 3 ans d'une maison, sa cour, son jardin et ses appartenances, situés rue des Cordeliers à Tours 
, passé entre le propriétaire Thomas Lecoustellier, maître d'hôtel de la reine de Navarre , et le loueur, Charles Lepelletier, marchand, pour 60 livres tournois par an.
Le XXIIIe jour de mars mil Vc soixante onze, en la court de roy notre sire a Tours , fut present en sa personne et deuement soubzmis noble homme Thomas Lecoustellier, sieur de Puy, maitre d’hostel de la royne de Naverre demourant audit lieu du Puy pres Montbazon , d’une part, et sieur Charles Lepelletier, marchant demourant audit Tours , d’aultre, lesquelz ont cogneu et confessé avoir faict et font entre eulx les bail et promise de louage qui s’ensuyt. C’est assavoir que ledit sieur du Puy a baillé et baille a louage audit Pelletier, prenant et acceptant audit tiltre de louage du jour et feste Notre Dame de Mars prochain venant jusques a troys annees consecutifs sans intervalle, finissant a pareil jour, une maison, court, jardrin et appertenances desdites choses audit sieur de Puy et sa femme, appartenant sises en la rue des Cordeliers de ceste ville de Tours , paroisse Saint Pierre du Boille, pour en joir par ledit preneur comme ung bon pere de famille, a la charge de les entretenyr de memes reparations de carreaux et victres comme elles luy seront baillees, et oultre moyennant la somme de soixante livres t. par an, premier payement commanczant au jour Saint Jehan Baptiste prochain venant et a continuer de quarte en quarte et est dict et accordé [...] que si ledit sieur du Puy et sa femme veullent reprendre en leur mains lesdites maison et choses bailles fait le pourront le faisant sans ledit troys moys d’avant apres lequel advertissement sortira(a) ledit preneur troys moys apres. Et aussi si ledit preneur la vendoyt avant la [1v°] fasse(b) a premier audit sieur bailleur ou ladite damoiselle ou a nous notaire pour le leur faire savoir estoys n’en pranderont parties de louage comme troys moys apres qu’ils sortiront. Aussi ont accordé que ledit preneur laissera besogner les maczons, charpenters, armuriers et aultres ouvriers jusques au parachevement du corps neuf. Et quant a tout etc. obligent etc. Renoncant etc. foy etc. dont etc. Presents maitre Bernard Creste et Jehan Veau, clerc, constat neuf lignes cy dessus rayees et biffees.
[Signé] Lecoustelier, Lepeletier, Creste pour present, Terreau.
Notes :
a. Terme incertain. — b. Terme incertain.
