1571, 1 avril — Tours

[Transcription partielle :] noble homme maitre Gacian Marbault, sieur de Beauvoys, secretaire de la royne de Naverre , demourant audit Tours , lequel a congneu et confessé avoir vendu, baillé et baille a ferme a noble homme Yves Demaille, escuyer, sieur de La Guertaulde, demourant audit lieu paroisse de Veigné , et a (grand barré de deux lignes) a ce present, prenant et acceptant audit tiltre de ferme pour le temps de troys annees consecutifves sans intervalle, ce jourd’huy et finissans a pareil jour, le lieu et mestayrie d’Authees, ses appertenances, appendances et deppendances par ledit bailleur, ce jourd’huy acquis dudit sieur de La Guertaulde, par contract passé par moy, notaire, duquel a esté presebtement faict lecture par moy, notaire, en presence desdits tesmoings. Cedit bail, faict aux charge d’en paier les debvoirs ou rentes par chacun an, de l’entretenir de toutes reparacions, et oultre moyennant le pris et somme de cinquante livres de ferme que ledit sieur preneur sera tenu en paier par chacun desdites troys annees audit sieur bailleur, en sa maison a Tours , aux premiers jours des moys de juillet, octobre, janvier et avril, par quart premier payement commanczant ledit premier jour de juillet prochain venant et a continuer de terme en terme, et oultre a la charge de la grace de retraict lignager ou feodal pour raison desdites choses, ouquel cas que lesdites choses soient retirees par retraict lignager ou feodal, ledit [1r°] bailleur n’en sera plus tenu de garentage et memement sera payé de ladite ferme jusques au jour dudit retraict ou remeré /^(a) et quant a tout etc. obligent etc. renoncans etc. foy etc. dont etc. Presents Robert Benardeau, laboureur demourant au lieu d’Oué , et Jehan Prieur de Martizay pres la Rocheponzay en ce baill[age], tesmoings appellez.
[Signé] Y. De Maille, Marbault, present Benardeau, Jehan Prieur comme present, B. Terreau.

a. Signe inscrit par le scribe.