1582, 1 septembre 1583, 17 octobre — Tours

[Transcription partielle :] honorable homme maitre Jacques Dallet, recepveur de La Roche de Pozay , (...) tant en son nom (...) procureur de hault et puissant seigneur messire Loys Chastaigner, sieur d'Abain, chevalier de l'ordre du roy, conseiller en son conseil d'estat, cappitaine de cinquante hommes d'armes de ses ordres et son chambellan ordinaire, et de dame Claude du Puy, son espouse, demourans audit lieu d'Abain, paroisse de Thurageau (...), comme ledit Dalliet a faict aparoir par lettres de procuration passees en la court de s[...] estably aux contractz, a cherché pour madame la marquise douairiere de Meziere, dame dudit lieu, par davant Collas, notaire, en icelle le XXIX jour d'aoust dernier passé, signee Collas, a l'adresse desdits sieur et dame constituans, qui sera inseré a la fin de ces presentes et l'original rendu audit Daillet, lequel esdits noms (...) vend (...) perpetuellement par heritaige a noble homme maitre Martin Jouye, sieur d'Ardret, conseiller et secretaire des roy et royne de Navarre , demourant audit lieu d'Ardret, paroisse Sainct Anthoine du Rocher (...), deux cens cinquante escuz sol. de rente annuelle et perpetuelle que ledit vendeur esdits noms (...), sur ladicte terre et seigneurie d'Abain (...) situé en ladite paroisse de Thurageau pays de Mirebalais , (...) de la seneschaussée de Poictou (...) que ledit sieur d'Abain ou ses f[...]s en jouissent du jourd'huy (...), rendue en cestedite ville de Tours , en la maison de noble homme maitre Gilleber Rousseau, sieur de Juscourt, contreolleur de la maison desdits sieur et dame roy et royne de Navarre , demourant en la paroisse Nostre Dame de l'Escrignol dudit Tours , en laquelle maison pour cest effet il a esleu son domicille (...), faicte pour le pris et somme de trois mil escuz sol., laquelle somme de III M escuz ledit Jouye, acquereur, a paiee [1500 écus soleils 1200 écus pistolletz 300 quares de testons 50 écus en franczs] (...), laquelle rente ledit vendeur esdits noms pourra toutesfoys et quantes que bon luy semblera admortir (...). Faict audit Tours , en la maison dudit Rousseau, sieur de Juscourt, (...) a l'heure de cinq heures apres midy, ès presences dudit sieur Rousseau, maitre Pierre Emerye practicien en court loyt, demourant a Tours , paroisse Saint Pierre du Boille, et Jehan de La Barre, tesmoings.
[Signé] Jouye, Rousseau pour present, Daillet, P. Emery, Digoys, DelaBarre present.
[Copie de la procuration du 29 août 1582]
[Le 17 octobre 1583] noble homme maitre Martin Jouye, sieur d'Ardret, conseiller et secretaire des roy et royne de Navarre , nommé au contract cy dessus a receu (...) de hault et puissant seigneur messieur Loys Chastaigner, sieur d'Abain, chevalier de l'ordre du roy, conseiller en son conseil d'estat, cappitaine de cinquante hommes d'armes de ses ordonances et son chambellan ordinaire, et de dame Claude du Puy, son espouse, aussi y nommez par les mains de honorable homme maitre Jacques Dalliet, recepveur de La Roche de Pouzay , aussi y nommé, a ce present, la somme de troys mil escuz sol. (...) et oultre a ledict Jouye receu (...) la somme de cinq solz monnaye pour les arreraiges qui estoient deubz du passé de ladite rente jusques a huy et la somme de troys escuz douze solz six deniers pour les fraictz et loyaulx, coustz dudit contract de constitution (...). Faict audit Tours , en la maison de noble homme maitre Gilbert Rousseau, sieur de Juscourt, contrerolleur de la maison desdits sieur roy et royne de Navarre , parroisse de Nostre Dame de l'Escrignol dudit Tours , a l'apres diné dudit jour, es presences de nobles hommes Francoys Maillé, notaire et secretaire du roy, maison et couronne de France , estant de present audit Tours , et Adam de Longuemort, varlet de chambre dudit sieur roy de Navarre , demourant audit Tours , et Guillaume Normandeau, practicien^(a), demourant audit Tours , tesmoings. (...).
[Signé] Maillé, Jouye, Delonguemort, Daillet, Digoys, Normandeau present.

a. Terme incertain.