Deuxième chapitre du compte d'Étienne Moreau, relatif à l'entrée solennelle de Louis XII et d'Anne de Bretagne à Amboise 
, faisant état de la rémunération des couturières qui ont assemblée la toile du pavillon monté au grand carroi de la ville.
Les noms et journees des femmes qui ont besoigné a couldre et assemblez les draps dudit pavillon, dont leur a esté paié par ledit Moreau ce qui s’ensuit.
Premierement
A la femme Thibault Chassenay et la servante de feu maistre Loys le Maye avecques elle, pour chacune troys journees emploiees a ce faire, au pris de XII d. a chacune d’elles par jour, a esté paié VI s.
A deux filles de la porte Heurtault qui [f° 4 v°] estoient avecques les dessusdictes, pour chacune troys journées, au pris de X d. a chacune d’elles par jour. Pource V s.
A Jehanne Chevaliere, pour troys journees et demye audit pris, II s. XI d.
A Macee Meignaigne, sa seur, et une nommee Phelippe, pour chacune troys journees audit pris de X d. par jour. Pource VII s. VI d.
A Estiennete Merye, sa fille, et deux jeunes filles avecques elles, pour chacune troys journees audit pris de X d. par jour, X s.
A Richete, femme de Robin Le Barbier, lingiere, avecques ses deux filles, pour troys journees qu’elles ont besoigné a esté paié IIII s. IIII d.
A la fille Jacquet Duruau et une fille avecques elle, pour chacune troys journees audit pris de X d. par jour, V s.
A Andree Petite et sa fille, pour chacune troys journees audit pris, V s.
A Jehanneton [blanc], Perrete Brune et Jehanne Florye, pour chacune troys journees audit pris, VII s. VI d.
A quatre femmes qui, apres ladicte entree faicte, ont descouru les draps dudit pavillon ou elles ont vacqué chacune une journee au pris de XII d. a chacune d’elles par jour. Pource IIII s.
[f° 5] A Jehan Gaudillon, pour vingt six livres et demye chandelle de suif par luy baillee, despensé a servir aux femmes qui ont besoigné de nuyt a faire ledit pavillon, aux paintres et autres choses pour le fait de ladicte entree, au pris de XII d. la livre. Pource XXVI s. VI d.
Par quictance
A Jehan Gerbault, pour XI livres et demye chandelle audit pris, XI s. VI d.
Par quictance
