Location d'un corps de maison par Margueritte du Chasteau, veuve de feu Jehan Leruard, à Hierosme Berziau, conseiller du roi en son conseil privé et secrétaire d'État de Navarre 
.
[Transcription partielle] [Le 02.04.1592 :] [...] honnete femme Margueritte du Chasteau, veuve de feu Jehan Leruard, demeurante audit Tours , paroisse Notre-Dame-de-l’Escrignol, dame d’elle et usant de ses droictz, baille a tiltre de loyer et pris d’argent a noble homme Hierosme Berziau, sieur de La Marcilliere, conseiller du roy en son conseil privé et secrétaire d’estat de Navarre . C’est assavoyr ung corps de maison estable jardin et apartenaces comme il s’estand poursuipt et comporte […] situé audit Tours , rue de Jherusolem, parroisse Saint-Venant, cest bail faict pour 5 ans, moyennant 50 ecus sol. / par an; […] payable par les quatre quartiers ordinaires de l’an par quart et esgalles portions comme ilz escheront et entretiendra ledit sieur preneur [1v°] lesdites choses baillees et mesmes reparations ordinaires suyvant la coustume de ce pays et est accordé que ladite bailleresse fera faire ung privé dans le jardin pour les servites dudit sieur et fera en outre ladite bailleresse curer et nettoyere le privé qui est dans ladite maison le tout dedans ledit jour saint Jehan-Baptiste prochaine fera aussi refaire le treillis dudit jardin pour la rendre par ledit sieur preneur au mesme estat qu’elle luy sera baillee en entrant en la jouissance dudit present bail [# en consideration desquelles preparations cy dessus ledit sieur de La Marcillière a payé et fourny contant a ladite bailleresse la somme de douze escuz sol dont quictance et ce outre par dessus le pris cy dessus accordé entre lesdites partyes] et a ce tenyr / obligeant lesdites partyes respectivement etc. assavoyr ladite bailleresse le fondz et proprietté desdites choses louees au garentye d’icelles ledit temps durant et toutesfoys pourra ledit sieur preneur desloger desdites choses et les garder si bon luy semble au dedans ledit temps en admortissant de ce fait ladite bailleresse trois mois francz auparavant ledit deslogement et neantmoings tenu ledit sieur preneur de payer au prorata du temps qu’il aura jouy desdits choses baillees renonczant a toutes choses a ce contraires presens foy juges faict et passé audit Tours , en l’hostel et demeure dudit sieur au cloistre Saint-Martin apres midy presens maitre Jehan Mauduyt, notaire en la siege […] de Beaune de la charte et Pierre Dechaires […] et a declaré ladite bailleresse ne sais pas signer.
[Signé :] Berziau, J. Mauduyt, Dechayres present, Bertrand.
