Jean Lailler, marchand de Tours s'est transporté avec le notaire et témoins ci-après "en ung corp de maison joignant d'un long a la maison des hoirs feu Nycollas Bejault, d'autre long a la maison appartenante de présent aux Naudins, d'un bout par le davant aux pavez du Grant Marché dud. Tours, au davant duquel corps pend de présent pour enseigne Les Troys Marys (sic), lequel led. Lailler dict de present luy appartenir et avoir autrefoys appartenu a deffunct Pregent Lailler, son ayeul; au davant de laquelle maison et dud. long avons veu deux puilliers, l'un de boys faisant le bout de la maison desd. hoirs feu Bejault et l'autre puillier faict de pierre dure du cousté de la maison dud. Lailler, estans près l'ung de l'autre, et le long dud. puillier de boys entrant en la bouticque de la maison dud. Begault y a seullement une cloison de boys, et, au dessoubz dud. puillier de boys y a une muraille que led. Lailler a dict lui appartenir, et, pour ce que, aux fondemens de lad. cave c'est trouvé une muraille servant a soubztenir lad. muraille dud. Lailler et les oeuvres de lad. maison dud. Bejault, la muraille de laquelle se treuve plus sur led. Lailler qu'il ne cuydoict et a dict que si aucune lyaison avoit esté faicte autrefoys en lad. cave, se n'a esté que par souffrance ainsi qu'il peult apparoir par l'adveu desd. deux pilliers de boys et pierre et aussi par ce que led. Lailler faict faire des fondemens nouveaulx joignans lesd. murailles qui seront d'un pied d'espesseur pour asseoir les sommyers de sad. cave, a dict que ce ne luy pourra nuyre ne prejudicier actendu sad. muraille ancienne, aussi sans prejudice de pocession qui pourroict debaptre a l'advenir sur les heritiers dud. feu Bejault pour raison de ladicte muraille advancée se lesd. heritiers ou ayans cause dud. Lailler la y voulloient prétendre". Dont acte.
Témoins: Denis Savary, Urbain Dumays, Guillaume Ragonneau, Jacques Ragon et Jean Mabilleau, "tous maneuvres massons" demeurant à Tours paroisse Saint-Symphorien de Larçay , Saint-Simple et Saint-Clément, "besognans de present en lad. cave" témoins.