Bail à rente perpétuelle par Simon Moreau, maçon, paroisse de Saint-Étienne de Tours , à messire Jehan Turreau prêtre à Tours , d'une terre sise à Saint-Pierre-des-Corps sur le Carroy des Ormeaux à 20 sols de rente.
Le XXe jour de la décembre l’an mil IIIIc LXXIII, personne estably Simon Moreau, maçon, demeurant en la paroisse de Saint Estienne de Tours , soubzmettant etc lequel a confessé avoir baillé et baille des a present a tousjoursmais a heritage a messire Jehan Turreau, pretre demourant dudit Tours ace present prenant et acceptant en son propre et prime nom pour luy, ses hoirs etc la moitié par divis de du devant de certaines terres que ledit bailleur a sur le carroy des Hormeaux estans en la paroisse de Saint Pierre des Corps , ou fief de chappictre de Tours a prendre ladite moitié dudit davant depuis le chemin par ou l’on va du carroy ou pont ledit Hormeaux aux Mazieres jusques au lineau du prochain noyer qui est planté esdit terres, joignant icelle moitié par derriere au surplus des terres dudit bailleur d’un cousté a l’autre moitié de davant dicelles terres que ledit bailleur a baillee a ung nommé André Chauneau, couvreur et audite bailleur, d’autre cousté au chemin allant dudit carroy des Hormeaux a La Gueterie et par devant abutant sur ledit carroy a autre atc. Ceste presente baille et prinse faicte pour le pris et somme de vingt solz tournois monnaie courant de rente annuellement et perpetuelle, laquelle rente ledit preneur a promis et promet [minute fortement endommagée sur l’autre page, la moitié est manquante].