Le II^e jour de may mil IIII^c LXII. Estably Jehan Gabilleau, tant pour lui que pour Jehanne La Gabillele, sa femme, laquelle il promet faire obliger a ceste presente obligacion dedans huit jours prouchains venans et a la peine de vingt solz tournois, etc. Lequel a confessé devoir et estre loyaument tenu a Guillaume Poictevin, demourant a Cassé, en la somme de huit escus d'or a present aians cours pour reprinse faicte par ledit Poicte[vin]. Laquelle somme le ledit Gabilleau et sa femme doivent a Thomine, vefve feu Jehan Viau, seur de feu Guillemet Cherpaude, acquise de certain partaige qu'ilz ont fait entreulx, et de laquelle somme ledit Poictevin s'est obligé a ladite Thomine et en a fait coppie de lectre. Et icelle somme ledit Gabilleau a promis paier audit Poictevin dedans la Saint Jehan Baptiste prouchaine venant. Rendu a Cassé et a la peine de cent solz tournois applicquee, etc. Obligeant, etc. Presens Pierre Vallee et Jehan Dauvergne, tesmoings.

[Signé :] Desurloyre