René Mocquet, messager ordinaire de Tours , confesse que, a sa grand priere et requeste, et pour luy faire plaisir, dès le samedy [en blanc] jour d'aoust dernier passé, honnorable homme Françoys Regnauld, marchant et bourgeois de Paris , l'auroit pleigé et cautionné au Chastellet de Paris, de la somme de douze livres tournois qui auroit esté mise ès mains de Estienne Pigou, sergent a verge, par Hugues de Sainct-Gellin, marchant de chaulx qui devoit lad. somme a Philippes Lambert, marchant de Tours , duquel Lambert led. Mocquet a le droict et pour ce que led. Regnauld aultres choses contenues en l'acte de caution. Et laquelle somme de XII l.t., led. Regnauld a payee aud. Mocquet, qui de luy l'a confessé avoir receue forme(?) dont quictance. Et partant, Mocquet voullant user de bonne foy, a promis et promect aud. Regnauld, a ce present et acceptant, de l'acquicter, garentir, desdommager et rendre indemne de lad. plegerie et caution, ensemble ses certifficateurs de lad. somme de XII l.t., ensemble de tous despens, dommages et interestz qu'ilz et chascun d'eulx pourroient avoir, souffrir et encourir a cause de ce. Et neantmoings etc., Sitost etc., Promectans etc., Obligent corps et biens comme pour deniers de justice. Renonczans etc. Fait et passé l'an mil V^c quarante sept, le mercredi seizieme jour de novembre.
Signé en la minute : G. Cadier: G. Cothereau.