[f° 222] En la presence de moy notaire, etc. Thomas Thibault, receveur pour le roy nostre sire du Plesseys-du-Parc lez Tours ^(a), ou nom et comme procureur de noble homme Jacques de Beaune, conseiller du roy nostre sire et general de ses finances , ainsi qu'il nous est apparu par lectres de procuracion desquelles la teneur s'ensuit^(b) dact[ees] passees soubz les les contractz royaulx de Tours par Pasquier de la Follye, dactees du quatriesme jour d'octobre mil cinq cens et quatre^(c), a confessé avoir eu et receu de messire Anthoine Deb Deloubbes⁽¹⁾, chevalier, et dame Renee de Daillon son espouse, seigneur de Fontaines, la somme de mil escuz d'or souleil en quoy lesdits seigneur et dame sont tenuz faire et payer audit De Beaune faisant le^(d) pour le parfait de la somme de III^m III^c dix escuz d'or soleil et XII s. VI d. monnoye courante pour le rachat, recousse, franchissement et admortissement de la somme de troys cens livres tournoys de rente annuelle et perpetuelle que ledit De Beaune avoit acquis desdits chevalier et dame sur la terre et seigneurie d'Azay⁽²⁾ par la vendicion que leur en avoit faicte noble homme Janet de Boisjourdain, seigneur dudit lieu d'Azay. Laquelle recousse et admortissement a esté et est faicte par lesdits chevalier et dame au moien de la grace verballe a eulx donnee par icelluy De Beaune audit De Boisjourdain^(e) ainsi que ledit Thibault, procureur dessusdit, a confessé par devant nous. De laquelle somme de mil escuz d'or soleil^(f) ledit Thibault, procureur dessusdit, s'est tenu pour content et bien payé. Et en a quicté et quicte lesdits chevalier et dames et tous autres^(g). Tesmoing mon seing manuel et le seing manuel dudit Thibault cy mis a sa requeste. Presens venerable personne messire Jehan Serlon, prebtre, curé de Nohiers⁽³⁾, et Simon Deszaulot, cousturier, demourant audit Tours , tesmoings, etc. Le XXVI^e jour d'octobre mil V^c et quatre.^(h)
[Signé] Foussedouaire

(a) receveur pour le roy nostre sire du Plesseys-du-Parc lez Tours, dans l'interligne supérieur. — (b) desquelles la teneur s'ensuit, dans l'interligne supérieur. — (c) Indication de la mention bon, dans la marge, concernant l'intégralité du passage rayé. — (d) faisant le, dans l'interligne supérieur. — (e) audit De Boisjourdain, dans l'interligne supérieur. — (f) soleil, dans l'interligne supérieur. — (g) autres, dans l'interligne supérieur. — (h) Dans la marge de la minute : "Baillé coppie audit Thibault pareille a ces presentes. Ausdits seigneur et dame ... au doux du contract de vendicion des IIIc l.t. de rente semblable a ces presentes et en laquelle est inceree de mot a mot la procuracion dudit De la Folye."
(1) Antoine de Loubbes, seigneur de Fontaines. — (2) Seigneurie d'Azay-le-Rideau en Touraine . — (3) Noyers.