[Extrait :] "[f° 5, v°, l. 13] C'est assavoir que lesdits Leclerc, Lemercier et Bertran ont promis et promectent audit Devau de lui tailler et faire une maison dont il rendra tout le boys en place, a deux estaiges, qui aura quatre toises de long ou environ et de large troys d[emye] toises et demye ou environ selon les mesures que ledit Devau leur^(a) baillera ausdits ouvriers. Et sera le premier estaige coulombé autant plain que vuide a demy pié, l'une coullombe pres l'autre. Le second a bricque et demye, les entrefais et lyaisons telz qu'il appartient a telles besongne. Et feront les linsouars des cheminees et de la vex aussi qu'il appartient comme ordonnera ledit Devau. Item, feront audroict^(b) lesdits preneurs une saillye et ung tiers pont dont ledit Devau aidrera^(c) fera les moulleures dont iceulx preneurs feront les esligissemens desdites moulle[ures]. Item plus, le deux croisees et de[ux] entieres et deux demyes, et deux lynssears ou ilz leur seront devisees. [f° 6] Item plus, referont les solliveaux de deux estaige[s] [...] le pan de devant et le demourant redressé de congnee boucheresse. Le tout fait bien et deuement aussi qu'il appartient audit des maistres a ce congnoissans dedans la my Pasques flories prochaines venans. Ce present marché fait pour le pris et somme de treze livres, dix solz tournois."
"[f° 6, l. 10] Laquelle maison lesdits preneurs seront tenuz lever en la place que leur monstrera ledit bailleur dedans lesdites Pasques flories en leur fournissant de cable et devige."

(a) leur, dans l'interligne supérieur. — (b) audroict, dans l'interligne supérieur. — (c) aidrera, dans la marge.