[f° 13, v°] Ledit jour, en ladite court personnellement estably Jehan Baulacre paroissien de Notre-Dame-de-Vosnes de Rochecorbon et Marion Reverdie, femme de Mathelin Reverdi, malade de lepre, paroissiens de Rochecorbon^(a), et Macee, femme de Thomyn Dauvyn et de lui sousfisament aucthorisee paroissiens aussi qu'elle disoit, paroissiens de La Ville-aux-Dames . Soubzmectans, etc. Et Lesquelz et chascun d'eulx pour le tout confessent devoir et^(b) promectent paier a Macé Leberthon et Charlot Carré, pescheux de paroissiens est assavoir ledit Leberthon de Sainct-Venant dudit Tours et ledit Charlot Carré de Sainct-Jehan de Beaumont, pres Tours , a ce par moictié a ce pour la somme de cinquante sept solz six deniers tournoys, ce pour et ou nom de Petit-^(c)Jehan Baulacre. En laquelle somme icelluy Bau Jehan^(d) Petit-Jehan Baulacre, gendre de Thomyn Dauvin, estoit atenu ausdits crediteurs a cause de certains engins a pescher poisson. Aussi, etc. Dont, etc. A paier dedans les jours et festes de Pasques et la sainct Jehan Baptiste prochaine venante, par moictié, avecques tous coustz, etc. Oblig[eant] eulx et chascun d'eulx, etc. R[enonçant], etc. Fid[em], etc. Presens a ce Jehan Carré et Jehan Maubert, tesmoings.
[Signé] Portays

(a) paroissiens de Rochecorbon , dans l'interligne supérieur. — (b) confessent devoir et, dans la marge. — (c) Petit, dans l'interligne supérieur. — (d) Jehan, répétition non corrigée.