René Richart, demourant a present a Orleans , vent etc a touzioursmes a Pierre Heulin, a present demourant a Rue Neusve, parroisse de Ver , acheteur, present etc, pour luy etc, ung verger comme etc, assis en ladite parroisse a La Voye Bousche, juxte Jehan Morde d’une part et d’autre, abutant d’un bout audit vendeur et d’autre bout au vieil chemin tendant de Rue a Houdouenne . Item une courtelle⁽¹⁾, appellee La Courtelle Saint Victor⁽²⁾, assise en ladite parroisse, juxte Jehan Lefercier d’une part, et Marquet Potier d’autre part, abutant d’un bout audit vieil chemin, et d’autre bout aux Bonnards, en la censive du seigneur de Loché⁽³⁾, a telz cens et droiz seigneuriaulx comme etc, conquest etc. Vente faite pour quinze livres tournois dont etc, promectant et garantissant et obligeant etc. Presens a ce pour tesmoings Jehan Brebier et Robert Pousteau, demourans a Chartres .

(1) Petite cour ou jardin de campagne fermé de haies, de fagotage, de fossé, ou quelquefois aussi de murs. — (2) Paroisse de Ver-lès-Chartres (Eure-et-Loir ). — (3) Lochay, lieu-dit, paroisse de Ver-lès-Chartres .