Venerable etc maistre Geufroy de Sale, tresorier et procureur dudit reverend pere en Dieu etc, baille a cens annuel et perpetuel, portant gans, vente, amendes et deffaulx quant les cas y escheront, des maintenant a tousioursmes, a Jehan Le Moine, barbier et cirurgien juré en ceste ville de Chartres , preneur, present etc, pour lui ses hoirs etc, une place a faire planche et necesses assise a Chartres sur la riviere appartenant audit reverend pere. Icelle place prinse ou bout du jardin de Michel Brochant demourant a Dreux ou des ayans cause d’une part, lequel jardin est tenant d’un costé a la ruelle des Bluteaux, dit la rue aux Beufz, et d’autre costé au jardin de Colas Lomer. Icelle place prinse neuf piez en carré depuis ledit jardin en tirant en ladite riviere ne pourra ledit preneur ne ses hoirs et ayans cause faire aucun prendre a ladite riviere ne a la chose publique. Bail et prinse faiz pour le pris et somme de deux solz tournois de cens annuel et perpetuel de la nature dessusdite, a payer chacun an etc en la salle episcopal a Chartres , au terme de la Notre Dame en septembre. Prochain paiement de a la Notre Dame en septembre prouchaine venant, et ainsy etc a tousiours. Promectant et garantissant audit nom etc, obligeant etc les biens dudit evesque, renoncant etc. Presens a ce pour tesmoings Olivier Fournil et Jehan de Sale, demourans a Chartres