[f° 79] A Jehan De Bray, marchant demourant en ladite ville de Tours , la somme de six vingts quatre livres et X solz troys deniers tournois, qui deue lui estoit. C'est assavoir XXXI l. X s. t. pour XXI journees a XXX s. t. par jour qu'il a vacqué luy deuxieme a deux chevaulx, pour un voyage par luy fait par l'ordonnance de ladite ville au moys de juillet l'an de cedit compte⁽¹⁾ en la compaignie de sire Loys de La Meziere, lors maire de ladite ville⁽²⁾, avoir esté de ladite ville de Tours a Victry-en-Partoy ⁽³⁾ par devers le roy notre sire pour aider a avoir diminicion du nombre de gens de mestier et marchans qui estoient ordonnez a aller de ladite ville demourer en la ville d'Arras appellee Franchise. Et LXIII l. t. pour XLII journees qu'il a vacqué luy deuxieme et deux chevaulx a mener et conduire de ladite ville de Tours , jusques audit lieu de Franchise partie des femmes, des hommes qui premier s'en estoient allez audit lieu de Franchise que avoit menez Jehan Bertran⁽⁴⁾ avecques la somme de XXII l. t. que ledit De Bray a donnez et baillez a cinquante hommes de guerre prins au lieu d'Amyens (5) pour conduire a seureté lesdites femmes, leurs mesnages et charroy jusques audit lieu de Franchise. Et aussi VII livres XVI s. III d. qui se sont perduz en la mis de l'or qui avoit eté baillé ausdits De Bray et Jehan Bertran pour la conduicte et despenses des mesnagiers dessusdits pour ce que les especes de l'or a eulx baillees ne valloient pas tant par dela comme elles font [f° 79 v°] par deca, lesquelles sommes font ensemble ladite somme de VI^xx IIII l. VI s. III d. t., laquelle somme ledit receveur a paiee audit Jean De Bray par mandement desdits maire, esleuz et commis surce donné ledit XXVII^e jour de fevrier, l'an decedit compte, cy rendu avecques la quictance dudit Debray, pour cecyIIII^xx VII l. XVI s. III d.

(1) En 1479. — (2) Maire de Tours en l'année précédente 1479-1480. — (3) Vitry-en-Artois , commune, dép. Pas-de-Calais , canton de Brebières . — (4) Membre du corps de ville de Tours en 1479-1480. — (5) Amiens , commune, dép. de la Somme .