Lettre close de Louise de Savoie adressée aux maire, échevins et habitants de la ville de Bourges 
leur annonçant la paix réalisée avec le roi d'Angleterre et demande de faire publier l'accord afin que nul ne l'ignore
De par madame, regente en France.
Tres chers et bien amez, pour commencer de mectre paix et repos en ce royaume, ainsi que l'avons tousiours desiré et encores desirons, nous avons, avec l'ayde de Dieu, tant faict que bonne paix, amytié et allience est faicte, conclute et traictee entre le roy notre tres cher seigneur et filz, son royaume, pais, terres, seigneuries et subgectz d'une part et le roy d'Angleterre, son royaume, pais, terres, seigneurs et subgectz d'autrepart, telle et si seure que nous la tenons estre de longue duree, en quoi redondera au grant bien, prouffit et utillité, non seullement desdits deux royaumes, mais de toute la chretienté. Et avecques ce aydera grandement a la liberté et delivrance de notredit seigneur et filz, et pour ce qu'il est requis de tel et si grant bien faire publicacion et demonstracion generalle par tout le royaume. Nous vous envoyons cy dedans encloz la forme que se doibt faire ladite publicacion, et vous mandons et ordonnons par vertu du povoir et regence qu'il a pleu audit seigneur nous bailler et laisser en cedit royaume durant son absence, que icelle publicacion vous faictes faire a son de trompe et cry publicque par tous les lieux ou vous avez acoustume la faire, en maniere que nul n'en puisse pretendre cause d'ignorance. Et rendant grans louenges et mercy a notre createur principal auctorité d'icelle, de ce qu'il luy a pleu commancer par cesdites paix a voulloi mectre unyon et repos en ladite chretienté. Tres cher et bien amez notre seigneur vous ait en sa saincte garde. Escript a Condrieu , le XVIIe jour de septembre(1).
[Signé : ] LOYSE.
[Signé : ] Robertet.
[Au dos]A noz tres chers et bien amez les maire, eschevyns, conseilliers, bourgeois et habitans de la ville de Bourges.
Notes :
Tres chers et bien amez, pour commencer de mectre paix et repos en ce royaume, ainsi que l'avons tousiours desiré et encores desirons, nous avons, avec l'ayde de Dieu, tant faict que bonne paix, amytié et allience est faicte, conclute et traictee entre le roy notre tres cher seigneur et filz, son royaume, pais, terres, seigneuries et subgectz d'une part et le roy d'Angleterre
, son royaume, pais, terres, seigneurs et subgectz d'autrepart, telle et si seure que nous la tenons estre de longue duree, en quoi redondera au grant bien, prouffit et utillité, non seullement desdits deux royaumes, mais de toute la chretienté. Et avecques ce aydera grandement a la liberté et delivrance de notredit seigneur et filz, et pour ce qu'il est requis de tel et si grant bien faire publicacion et demonstracion generalle par tout le royaume. Nous vous envoyons cy dedans encloz la forme que se doibt faire ladite publicacion, et vous mandons et ordonnons par vertu du povoir et regence qu'il a pleu audit seigneur nous bailler et laisser en cedit royaume durant son absence, que icelle publicacion vous faictes faire a son de trompe et cry publicque par tous les lieux ou vous avez acoustume la faire, en maniere que nul n'en puisse pretendre cause d'ignorance. Et rendant grans louenges et mercy a notre createur principal auctorité d'icelle, de ce qu'il luy a pleu commancer par cesdites paix a voulloi mectre unyon et repos en ladite chretienté. Tres cher et bien amez notre seigneur vous ait en sa saincte garde. Escript a Condrieu , le XVIIe jour de septembre(1).[Signé : ] LOYSE.
[Signé : ] Robertet.
[Au dos]A noz tres chers et bien amez les maire, eschevyns, conseilliers, bourgeois et habitans de la ville de Bourges
.Notes :
(1) Lettre datée par les événements qu'elle rapporte.
