[f° 83 v°] A maistres Macé Hubaille, licencier en loix, Pierre Laillier, bacheliers en loix, et Pierre Varronneau, procureur de la ville, la somme de trente-une livres dix-sept solz tournoys qui est a chacun deulx X l. X s t. pour sept journees qu'ilz ont vacquez chacun deulx a deux chevaulx a aller devers le roy notre sire estant au pays de Beausse⁽¹⁾, comme deliberé a esté en l'ostel de la ville le XIII^e jour d'aoust, pour luy prier que son plaisir fust que Jehan Colin, René Lucas et autres gros marchans de ladite ville de Tours , lesqueulx par les sires de Baudrimont, du Luden, maistres Guillaume de Cerisay, Guillaume Choisy et autres commissaires a Franchise⁽²⁾, avoient esté nommez et esleuz comme apparoissoit par ung rolle et une commission par eulx envoyee aux habitans de ladite ville de Tours , aller demourer a Franchise eulx et leurs femme et enffens, et au lieu d'autres mesnagiers autresfoiz envoyez de par ladite ville audit lieu de Franchise, lesquelx ilz disoient n'estre suffisans et les vouloient renvoier de par deca demourer en ladite ville de Tours et [f° 84] ne fussent contraincts a aller audit lieu de Franchise lesquelx Hubaille, Laillier et Varronneau besougnent tellement devers le roy que lesdits Lucas, Colin et autres demourerent. Laquelle somme de XXXI l. X s. t., a la raison de XXX s. t. par jour pour chacun d'eulx, ledit receveur a paiee aux dessusdits et par mandement desdits maire, esleuz et commis sur ce, donné le XXII^e jour d'aoust l'an de ce dit compte cy rendu, avec la quictance desdits nommez, pour cecyXXXI l. X s. t.

(1) Beauce , région. — (2) Arras , ville franchisée par Louis XI en 1479.