[De par le roy]
Chers et bien amez, nous vous mandons, commandons et expressement enjorgnons que vous ne faillez incontinant la presente recrue et sur tant que creignez nous desobeyr et desplaire a dresser ung estat au vray et entier de ce que montent en recepte tous les deniers commungs de votre ville, tant patrimoniaulx que d'octroy, sans faire aulcune deduction des charges estans sur iceulx, desquelles charges neantmoings vous nous pourrez advertir separement et a part par ledit estat, lequel, signé de vous et de votre greffier vous envoirez et ferez en toute dilligence tenir a notre amé et feal conseiller, tresorier de France et general de noz finances estably a Bourges , sans y user d'aulcune longueur ou difficulté, car tel est notre plaisir. Donné a Villers Cocteretz , le seizieme jour de septembre 1554. Ainsi sSigné Henry. Et plus bas Burgensi. Surscription : A nos chers et bien amez les maires eschevins et gouverneurs de notre ville de Bourges .