| ||
| ||||||
Lettre close de Charles VIII adressée aux habitants de la ville de Bourges 
les remerciant d'avoir fait parvenir les lettres du duc d'Orléans et leur demandant de lui envoyer tout autre courrier du même genre.
De par le roy.
Chers et bien amez, nous avons sceu par ce porteur la bonne dilligence que vous avez faicte de envoier en la conciergerie de nostre pallais en ceste ville le chevaucheur qui portoit plusieurs lettres de nostre frere et cousin le duc d'Orleans , lesquelles pieça nous avez envoiees, dont vous savons bon gré, car nous congnoissons le bon et grant désir que tousjours avez a nous, vous prians que vueillez continuer, et de ce qu'il vous surviendra nous advertissez. Et au surplus en ensuivant ce que vous avons escript, pourvoiez a la garde de vostredite ville pour nous, si bien et en telle maniére que inconvénient n'en puisse advenir, et nous servez ainsi que en vous nous avons nostre fiance. Et en ce faisant nous avons tousjours vous et voz affaires en bonne et especialle recommandacion. Donné a Paris , le ΧΙΙΙe jour de fevrier [1485-1488(1)].
[signé] CHARLES.
Parent.
.(1) Lettre datée d'après son contenu, probablement envoyée au début des guerres de Bretagne .
| |||||||||
Options de consultation
