Lettre close de Charles VIII adressée aux habitants de la ville de Bourges 
annonçant la naissance du dauphin Charles-Orland.
De par le roy.
Tres chiers et bien amez, aujourd'huy environ quatre heures du matin, nostre tres chere et tres amee compaigne la royne, est acouchee d'un beau filz dont de tout nostre cueur louons Dieu nostre Createur, et le vous faisons voulentiers savoir, saichans que de tout vostre povoir comme noz bons et loyaulx subgectz en serez tres aizes et joyeux. Donné aux Montilz(1), le mercredi dixiesme jour d'octobre.
[Signé : ] CHARLES.
Parent.
[Au dos] A nos chers et bien amez les bourgeois et habitans de nostre ville de Bourges
. Notes :
(1) Château du Plessis-lès-Tours, actuel com. de La Riche , dép. d'Indre-et-Loire .
