De par le roy.
Tres chers et bien amez, nous avons receu les lettres que nous avez escriptes par ce porteur faisans mencion comment vous aurez a gouverner touchant nostre duché de Berry, a cause que la mectons en autruy main que es nostres. Nous avons dit a nostre amé et féal conseiller et chambellan le seigneur du Liz⁽¹⁾, vostre bailly, et aussi audit porteur, en quelle façon l'avons baillee, et comment vous y aurez a conduire. Si les vueillez croire et ajouster foy a ce qu'ilz vous en diront, et soyez seurs que, quelque chose que ayons faicte, nous vous tiendrons et reputerons tousjours noz bons et loyaulx subgetz et aurons vous et voz affaires en aussi bonne souvenance et recommandacion ou mieulx que si la tenions en noz mains. Et du bon recueil que avez fait a nostredit conseillier et chambellan, vostredit bailly en prenant la possession de son office, vous en savons tres bon gré et vous en mercions. Donné a Loches , le ΧΧΙΙΙ^e jour de novembre [1498⁽²⁾].

[Signé] LOYS.

Heruoet.

Bourges

(1) Gilbert Bertrand, chambellan du roi et seigneur du Lys. Actuelle com. du Lys-Saint-Georges , dép. de l'Indre , arr. de La Châtre . — (2) Cette lettre fait suite à la lettre du 13 juillet 1498 qui annonce la nomination du chambellan à la tête du baillage.