De par le roy.
Tres chers et bien amez, nous avons présentement eu lettres de noz lieuxte nants de nostre armee et duchié de Millan , par lesquelles ilz nous font sçavoir que pour le renvoy de la plus grant partie des Suysses qui sont en nostredite armee et autres neccessaires affaires d'icelle, il nous est besoing envoyer par delà certaine grant somme de deniers et qu'elle y soit dedans le XV^e ou XX^e jour de may au plus tard. A quoy il ne nous seroit possible fournir sans le prest que derrenierement avons fait demander et requerir par noz commissaires a vous et autres villes et aucuns noz bons et feaulx serviteurs et subgectz qui monte en vostre endroit la somme de deux mille livres tournois. Et pourtant nous vous pryons, toutes excusacions cessans et sur tant que aymez et desirez le bien de nous et de nostredite affaire, que a ce besoing ne nous vueillez faillir et mectez incontinent ladite somme es mains de nostre receveur général maistre François Briçonnet⁽¹⁾ ou de son commis en maniéré que la puissons avoir par deçà dedans le XV^e jour de may prochain, sans y faire faulte car autrement soyez asseurez que la chose nous tourneroit a plus grant dommaige que ne vous povons escripre, comme escripvons a noz commissaires plus a plain le vous dire et remonstrer, si les croyez ce qu'ilz vous en diront de par nous. Et au regard du bon service que nous ferez il ne sera par nous mis en oubly. Donné a Lyon , le derrenier jour de avril [1500⁽²⁾].

[Signé] LOYS.

Robertet.

Bourges

(1) François Briçonnet est maître de la chambre aux deniers du roi et commis aux dépenses des gages des officiers de l'hôtel du roi, puis receveur général des finances. Il meurt le 20 avril 1504 (Paris, BnF, fr 5085, f° 92 et fr 5093, f° 241). — (2) La prise de Novare eut lieu le 8 avril 1500.