Lettre close de Louis XII adressée aux maire, échevins et habitants de la ville de Bourges 
leur annonçant la venue de l'évêque de René de Prie, Bayeux , de son maître d'hôtel, Jean de Chaudreux, et du seigneur d'Entraigues, commissaires pour ordonner l'ouverture des greniers à blé de Berry afin de soulager le peuple du duché et de faire parvenir une partie du grain dans les principales régions nécessiteuses.
De par le roy.
Très chers et bien amez, nous envoyons présentement noz amez et feaulx conseillers l'evesque de Bayeulx (1), Jehan de Chaudreux, nostre maistre d'ostel, et le seigneur d'Entragues(2) pour, avec le bailly de Berry ou son lieutenant, faire faire ouverture des greniers de nostre bonne ville de Bourges et autres qui sont oudit duchié de Berry , veoir quelz blez et grains il y a et les prendre par déclaration et inventaire et en faire vendre et distribuer au peuple de ladite ville et duchié pour leurs vivres et provisions, et après eulx fourniz, en faire bailler et délivrer a aucuns autres noz pays subgectz qui en ont neccessité ceste annee pour les passer jusques au nouveaulx, a tel feur et pris qu'il vault de present. Et pour ce que avons ceste matiere a cueur et desirons singulièrement que bon ordre et provision y soit mis et donné au prouffit et soulaigement de nostredit peuple, nous vous pryons et mandons que de vostre part vous tenez la main et vous emploiez de vostre povoir a faire mectre ledit ordre et provision sur le fait desdits blez en maniéré peuple soit soulaigé et que ceulx des autres lieux noz subgectz qui en nécessité en puissent estre secouruz en les payant comme dit est au pris dessudit. Et au demeurant faictes que nosdits commissaires soient obeyz et qu il n’y ait faulte. Donné au Bourg-de-Dieux(3), le IXe jour de mars(4).
[Signé] LOYS.
Gedoyn(5).
[Au dos] A noz très chers et bien amez les maire, eschevins, bourgeois, manans et habitans de nostre bonne ville de Bourges
. Notes :
(1) Il s'agit de René de Prie, évêque de Bayeux de 1498 à 1513. — (2) À ne pas confondre avec Robert de Balsac, sénéchal de Gascogne et d'Agenais, capitaine et gouverneur de Pise . Com. d'Entraigues , dép. du Puy-de-Dôme , arr. de Riom . — (3) Abbaye dite aussi de Notre-Dame de Déols , dép. de l'Indre , arr. de Châteauroux . — (4) En mai 1501 la ville de Bourges dépense une vingtaine de livres en nourriture pour recevoir l'évêque de Bayeux et sa suite (Bourges, Arch. comm., CC 271). — (5) Robert Gedoyn, secrétaire du duc d'Orléans , puis notaire et secrétaire du roi après 1498, signe aux finances vers 1500.
