: 1523 (n. s.) "n1"

[Analyse enrichie] Renseignements donnés à monsieur Daigremont, cousin et ami d'Eustache Dupoiet, auteur de la lettre, d'après le témoignage d'un marchand ayant fuit sa maison et la surveillance qu'il a établi avec plusieurs amis, sur la présence d'une bande armée d'environ 1 800 hommes à pied et à cheval venus du Loudunois , stationnés aux environs de Saint-Épain , et voulant passer Pâques à Pont-de-Ruan , où il faudra les stopper, et sur la présence d'une seconde bande de 500 hommes qui se sont dirigés vers Sepmes et Manthelan . Au dos est inscrite une ordonnance de payement faite à Pierre Ribot, receveur de la ville de Loches , et signée par De Rouen et Berthelot, d'une somme de 20 s.t. à verser à Bertrand Chevreau, marchand à Loches , pour s'être déplacé à Lahaye en Touraine pour espionner la bande armée de 1800 hommes qui voudraient passer près de Loches .

Tres cher seigneur cousin et amy a vostre bonne grace me recommande, tant et de si bon cueur que je puis, aussi fait ma femme et mes filles sans oblier ma cousine votre femme. J'ay sceu par cestedit present porteur que messieurs de la ville de Loches desroient savoir ou est la bande des gendarmes qui passeoit. Je vous advertiz que y ay veillé avecques mes amys tant qu'ilz ont prins du pays de Loudunoys ⁽¹⁾ ou ilz ont passé, Saint Espain ⁽²⁾ et les environs ou ilz sont de present. Ce matin ay parlé a ung marchant dudit Saint Espain qui a habandonné son logis et tout laissé pour le mal que lesdits gendarmes font. Il m'a dit qu'ilz sont bien XVIII^c, tant de pied que de cheval, et qu'ilz tenoient propos faire leurs Pasques vers au Pont-de-Ruen⁽³⁾ et ilecques environ. Et en faisans ces presentes ay eu nouvelles qu'il en est passé ce matin cinq cens qui sont allez a Sepmes ⁽⁴⁾ et a Mantellan⁽⁵⁾, et ceulx de Saint Espain prendront le Pont-de-Ruen pourvoiez y de hommes car ilz font beaucoup de mal. Je vous prie, faites moi savoir de ce que nagueres vous ay escript par nostre maistre d'escolle. Et a Dieu soiez mon cousin que je prie vous donner bonne vie et longue. De Lahaye, ce mardi apres disme.
[

Signé

] Le tout vostre serviteur, cousin et amy, Eustace Duproiet.

[Au dos] A vous maistre Pierre Ribot, recepveur des deniers communs de la ville de Loches

, baillez a Bertrand Chevreau, marchant demourant a Loches

, la somme de vingts solz tournoys pour ses journees et despens d'avoir esté au lieu de Lahaye en Touraine

le mardi de la sepmaine saincte pour savoir quel chemyn bouterreul avec dix huit cens hommes qui estoient le environ et que l'on disoyt qu'ilz vouloient passer pres la ville de Loches

. Et pareille somme de XX s.t. vous sera allouee. Fait par nous esleuz, etc, dessoubz, etc. Signé le II^e jour d'avril mil cinq cens vingts et deulx avant Pasques. [Signé] Berthelot et De Rouen.

Notes :

(1) Loudunois , région centré autour de la ville de Loudun , dép. de la Vienne . — (2) com. de Saint-Épain , dép. d'Indre-et-Loire . — (3) com. de Pont-de-Ruan , dép. d'Indre-et-Loire . — (4) com. de Sepmes , dép. d'Indre-et-Loire . — (5) com. de Manthelan , dép. d'Indre-et-Loire .