[fol. 51] A Guillaume Havart, tappissier demourant audit Tours , la somme de six livres, dix solz tournoys de composicion faicte avecques luy le XII^me jour de decembre l’an de cedit compte pour avoir tendu et detendu le nombre de dix pieces de tappisserie de menue verdure au chaffault qui a esté fait a la porte de Nostre Dame de La Riche pour servir a l’entree a l’entree^(a) du roy et de la royne par eulx faicte nouvellement en cestedite ville ou moys de novembre l’an de cedit compte⁽¹⁾. Et pour icelle tappisserie avoir habillee en plusieurs endroiz d’icelle ou elle avoit esté rompue et dessiree audit chaffault par les archiers et autres durant lesdites entrees qui furent faictes par deux divers jours audit moys. Laquelle tappisserie avoit esté prestee et baillee a ladite ville par Alixis Dargonges es mains de Jehan Perrigault et maistre Jehan Caloet, commissaires a ladite porte et misteres d’icelle, qui l’avoient fait tendre par ledit Havart. Laquelle somme de VI l., X s. t. en ensuivant l’ordonnance et tauxacion faicte audit Havart par les commissaires de ladite ville ordonnez a veoir la despence desdits misteres, ledit receveur a payee audit Havart par mandement aussi des maire, esleuz et commis de ladite ville sur ce donné le XII^me jour de decembre l’an de cedit compte. Cy rendu avecques la quictance^(a) [fol. 51v] dudit Guillaume Havart. Pour ce cy ladite somme deVI l., X s. t.

(a) Répétition dans l’original. — (b) Dans la marge du fol. 51 : Par mandement, quictance et tauxacion dudit commissaire Papillon et Thevenin.
(1) Louis XII fit son entrée à Tours le 24 novembre 1500. Anne de Bretagne entra deux jours plus tard, le 26 (ibid., fol. 55v-57v).