[fol. 59v] A Michel Colombe, tailleur d’ymaiges, la somme de cent cinq solz tournoys qui deue luy estoit. C’est assavoir LXX s. t. pour avoir fait le mousle du harnoys de Turnus⁽¹⁾ de terre fort grasse pour bailler a maistre Guillaume Garreau, esleu de ladite ville, pour jouer le mistaire de Turnus a l’entree du roy et de la royne a la porte de Nostre Dame de La Riche⁽²⁾ ainsi qu’il a esté devisé a l’anticque fasson. Et XXXV s. t. pour avoir fait ung patron baillé a Jehan Chappillon, orfevre, pour faire les pieces d’or ordonnees estre mises dedans la couppe d’or qui a esté donnee au roy nostredit seigneur a son entree en ladite ville de Tours ⁽³⁾. Ou quel patron estoit la face dudit seigneur d’un cousté et de l’autre cousté le porc espyc et dessoubz les armes de ladite ville, ainsi que ledit patron fut devisé⁽⁴⁾. Lesquelles deux parties dessusdites font et montent ensemble ladite somme de cent cinq solz tournoys que ledit receveur a payee audit^(a) [fol. 60] Michel Colombe par mandement desdits maire, esleuz et commis sur ce donné le XVIII^e jour de janvier l’an de cedit compte. Cy rendu avecques la quictance dudit Michel Colombe. Pour ce cy ladite somme deCV s. t.

(a) Dans la marge du fol. 59v : Par mandement et quittance.
(1) Personnage de l’Enéide de Virgile (12, 697-700). Roi des Rutules, il s’opposa à l’installation des Grecs dans le Latium. Il fut finalement vaincu par Enée, chef des Grecs et son rival auprès de Lavinia, fille de Latinus, roi des Laurentes, premiers habitants du Latium. Le personnage avait déjà été joué devant la tour Feu-Hugon lors de la première entrée solennelle de Louis XII à Tours en 1498 (cf. Archives Municipales de Tours, CC reg. 51 (1487-98), fol. 103v, l. 4). Le harnais fut peint par Henry Mathieu (ibid., fol. 51v, l. 14-17). — (2) Porte occidentale de la ville de Tours . — (3) Louis XII fit son entrée à Tours le 24 novembre 1500 (ibid., fol. 56, l. 12-13). — (4) ibid., fol. 55v-57v.