[fol. 76] Audict receveur la somme de trente deux livres, cinq solz tournois a luy ordonnee par ladicte ville pour son remboursement de pareillee et semblable somme que payee, baillee et delivree avoit en cestedicte annee pour et de par ladicte ville par l’ordonnance et deliberacion des gens d’icelle pour les preparatifs de l’entree de notre souveraine dame la royne que l’on esperoit venir faire son entree en cestedicte ville a son joyeulx advenement en ce royaume. C’est assavoir, a sire Gerard Odin, brodeur du roy nostre sire, la somme de douze livres tournois pour le reste a luy deu par ladicte ville pour la facon du peelle par luy fait pour ladicte entree par l’ordonnance de ladicte ville. CyXII l. t.
A maistre Pierre Bourreau, l’un des esleuz de ladicte ville de Tours , la somme de vingt livres tournois a luy ordonnee estre baillee et delivree par ledict receveur pour fournir aux chauffaulx, mysteres, painctures et autres choses qu’il convenoit faire pour ladicte entree^(a) [fol. 76v] et reception de ladicte dame. Cy ladicte somme deXX l. t.
Et pour mynute et grosse dudict present mandementV s. t.
Lesdictes parties montans ensemble a ladicte somme de XXXII l., 6 s. t. comme le tout desdictes choses est plus applain contenu, speciffie et declairé par le mandement et ordonnance sur ce donné et expedié desdicts maire, esleuz et commis le XXI^e jour de decembre l’an mil cinq cens trente troys. Cy rendu avecques quictance. Et pour cy ladicte somme deXXXII l., V s. t.

(a) Dans la marge du fol. 76 : Alloué par mandement et quictance.