[fol. 76v] A Pierre Durand, marchant orfevre de cestedicte ville de Tours , la somme de huit vingtz seize escuz d’or soleil qui deue luy estoit par ladicte ville. Savoir est C IIII escuz d’or soleil a luy deuz pour le reste du principal de l’or de la couppe d’or faicte pour faire present a l’entree de la royne nostre souveraine dame poysant ladicte couppe cinq marcz, quatre onces, sept grox d’or. Et LXXII escuz soleil pour facon de ladicte couppe faicte par ledict Durant. Lesdictes deux parties montans et revenans ensemble [fol. 77] audict nombre de VIII^xx XVI escuz d’or soleil ainsi que desdictes choses est apparu par l’estrant des deliberacions faictes en l’hostel et maison de ladicte ville en assemblee d’icelle faicte le mercredi deuxieme jour de juillet l’an mil cinq cens trente troys. Cy rendu avecques quictance dudict Durand signee Durand et Loyseau, le tout cy actaché. Pour ce cy ladicte somme de VIII^xx XVI escuz d’or soleil vallans la somme deIII^c IIII^xx XVI l. t.^(a)

(a) Dans la marge du fol. 77 : Alloué par mandement et quictance.