[fol. 36] A René Gaultier, tapissier, et Jehan Boutiller, brodeur, la somme de six livres, ung solz, six deniers t. qui deue leur estoit par ladicte ville. Savoir est audict Gaultier soixante cinq solz t. pour avoir faict le pesle de damars cramoisy pour l’entree de la royne d’Ecosse , et pour avoir fourny de ruban alentour dicelluy. Et audict Boutiller le surplus pour la faczon de sept aulnes frange longue pour mectre alentour dudict pesle, pour la faczon de deux aulnes petite frange et pour la faczon de sept aulnes frange d’or. Le tout pour ledict pesle comme appart par parties certiffiees par l’un des esleuz de ladicte ville, rescription signee Quetier [fol. 36v], pour l’absance dudict maire, en date le XXIII^me jour de decembre mil cinq cens quarente huict, et quictance desdicts Gaultier et Boutiller, le tout cy rendu. Pour ce cy ladicte somme deVI l., I s., VI d.^(a)

(a) Dans la marge du fol. 36 : Par ladicte rescription et quictance.