De par le roy.
Tres chers et bien amez, puis nagueres par noz amez et feaulx conseillers et chambellans les seigneurs de Montmorency ⁽¹⁾ et de Nanssay ⁽²⁾, cappitaine de nostre garde et autres bons et notables personnaiges que avons envoiez devers vous, nous vous avons fait dire et declairer bien amplement le vouloyr et desir que nous avons a ce que nostre amé et feal conseiller l'evesque d'Orleans ⁽³⁾ soit par vous postullé en vostre arcevesque et prelat et les causes qui a ce nous meuvent et pour ce que nous avons ferme fiance que icelles bien entendues et par vous considerees vous ne ferez aucune difficulté de obtemperer a nostre requeste, laquelle est juste, honneste, raisonnable et neccessaire. A ceste cause et affin que vous en soiez encores dabondant et plus certainement advertiz et que vous congnoissez de combien nous estimons ceste matiere et l'importance de quoy elle est pour nous et noz affaires, nous avons ordonné a nostre amé et feal chancellier⁽³⁾ et a l'evesque de Paris ⁽⁴⁾ comme ceulx qui ont entiere congnoissance de nosdites affaires et desquelz nous nous fions, se transporter devers vous pour vous declairer de rechef nostre vouloir. Sy vous prions que vous les vueillez croyre et adjouster foy a ce qu'ilz vous diront de par nous, comme vous feriez a nostre personne propre, et nous gratiffier et complayre en ceste nostre requeste qui ne peut estre que au bien, honneur et utilité de vous et de vostre eglise, les affaires de laquelle et de vous en general et particulier nous aurons tousjours en ce faisant de tant plus et singulière recommendacion. Donné a Bloys , le XXII^e jour d'avril.

[Signé : ] LOYS.

Robertet.

Bourges

(1) Guillaume de Montmorency, baron de Montmorency et seigneur d'Écouen , chambellan de Charles VIII, Louis XII puis François I^er (Cf. Dictionnaire de la noblesse, par La Chenaye-Desbois et Badier, 3^e éd., 1869, t. XIV, coll. 382). — (2) Gabriel de La Châtre, seigneur de Nançay , capitaine des gardes du corps du roi (comme son père avant lui dès 1479), capitaine de la Grosse Tour de Bourges depuis 1495 au moins, et prévôt de Bourges depuis 1506 (Bourges, Archives communales, CC 259 et 276, p. 44). Il sera également chambellan et maître d'hôtel de Louis XII, puis gouverneur des enfants de France et maître des cérémonies, avant de mourir en 1538. — (3) Jean de Ganay, seigneur de Persan, chancelier de France suite au décès de Guy de Rochefort en 1507. Il meurt avant juin 1512. — (4) Christophe de Brillac, évêque d'Orléans . — (5) Etienne Poncher, membre du Parlement de Paris depuis 1484, puis évêque de Paris de 1503 à 1519 et chancelier de Milan (Cf. Gallia Christiana, t. VII, col. 157-159).