De par le roy.
Chers et bien amez, nous avons esté advertiz comme en obtemperant a nostre priere et requeste et en ensuivant les bulles et provisions de nostre Saint Pere le pape, vous avez accepté et receu nostre amé et feal conseiller l'evesque de Morray⁽¹⁾, ambassadeur du roy d'Escosse, en vostre prelat et arcevesque dont nous vous savons tres bon gré et vous en mercyons car plus grant plaisir ne nous pourriez avoir fait, vous advisant que nous en aurons bonne souvenance et les affaires de vostre eglise tousjours en singuliere recommandacion, vray est que nous n'avons cause de nous contenter des troys chanoynes qui ne s'y sont vouluz trouver. Et si en quelque endroyt ilz ont a faire de nous, congnoistront que leur absence ne leur prouffïtera gueres. Donné a Amyens , le IX^e jour d'octobre.
[Signé : ] LOYS.
Robertet.
[Au dos] A noz chers et bien amez les doyen, chanoynes et chappitre de l'eglise de Bourges .

(1) André Foreman, évêque de Murray en Écosse .