| ||
| ||||||
Lettre close de Louis XII adressée au chapitre cathédral de Bourges 
lui demandant de céder à Ursin Gaudon la première prébende vacante.
De par le roy.
Chers et bien amez, nous vous avons ja par deux foys escript a ce que a nostre priere et requeste voulcissiez pourveoir maistre Ursin Gaudon de la premiere prebende qui vacqueroit en vostre eglise, ce que n'avez encores fait, jaçoit ce que eussiez promis de l'en pourveoir le cas advenant. A ceste cause vous en avons bien voulu de rechief escripre pour vous prier que de la premiere qui vacquera vueillez pourveoir ledit maistre Ursin Gaudon, en ensuivant ce que autresfois vous avons escript. Et vous nous ferez plaisir tres aggreable dont nous aurons bonne souvenance quant d'aucune chose nous vouldrez requerir. Donné a Bloys , le XXVe jour
de septembre.
[Signé : ] LOYS.
Turin.
.
| |||||||||
Options de consultation
