Consignation d'une commmission de Jehan Gaultier, sergent de la forêt de Loches 
, qui indique qu'a été confié à un des verdiers de la foret un marteau avec une fleur de lys et une salamandre pour en faire usage dans la foret et qui interdit à Jehan Thouart, autre verdier condamné par ailleurs, de faire usage du sien.
[f. 53v°] Aujourduy VIe jour de novembre Vc XXVI a esté ordonné que, pendant la commission de Jehan de Saalles par nous commis verdier de la forest de Loches , luy sera baillé ung marteau auquel sera emprainct la fleur de lys et une sallemandre pour en user en lad. forest et seront faictes deffenses a Jehan Thouart nagueres verdier de lad. forest de Loches , ne user ou faire user du marteau dont il a par cy devant usé, ouquel est emprainct le nom dud. Thouart , jusques à ce que par la court autrement par justice en soit ordonné, après avoir veu les procès et procedures faictes contre led. Thouart. Signé Hotman.
Le jour et an que dessus, ceste présente ordonnance a esté monstree et leue de mot a mot à Jehan Thouart, verdier de la forest de Loches en luy faisant deffences telles que dessus, lequel a demandé le double pour le monstrer a son conseil. Fait ès presences de Jehan Guenon l'aisné et Macé Bonnyn, par moy Jehan Gaultier, sergent de lad. forest. Signé Gaultier.
